tanach-divrei-hayamim-a — complete plain text
Source index: https://ajew.org/reader/tanach-divrei-hayamim-a/

Sections:
- Chronicles 1 Chapter 1 — https://ajew.org/reader-plain/tanach-divrei-hayamim-a/1/1/index.txt
- Chronicles 1 Chapter 10 — https://ajew.org/reader-plain/tanach-divrei-hayamim-a/1/10/index.txt
- Chronicles 1 Chapter 11 — https://ajew.org/reader-plain/tanach-divrei-hayamim-a/1/11/index.txt
- Chronicles 1 Chapter 12 — https://ajew.org/reader-plain/tanach-divrei-hayamim-a/1/12/index.txt
- Chronicles 1 Chapter 13 — https://ajew.org/reader-plain/tanach-divrei-hayamim-a/1/13/index.txt
- Chronicles 1 Chapter 14 — https://ajew.org/reader-plain/tanach-divrei-hayamim-a/1/14/index.txt
- Chronicles 1 Chapter 15 — https://ajew.org/reader-plain/tanach-divrei-hayamim-a/1/15/index.txt
- Chronicles 1 Chapter 16 — https://ajew.org/reader-plain/tanach-divrei-hayamim-a/1/16/index.txt
- Chronicles 1 Chapter 17 — https://ajew.org/reader-plain/tanach-divrei-hayamim-a/1/17/index.txt
- Chronicles 1 Chapter 18 — https://ajew.org/reader-plain/tanach-divrei-hayamim-a/1/18/index.txt
- Chronicles 1 Chapter 19 — https://ajew.org/reader-plain/tanach-divrei-hayamim-a/1/19/index.txt
- Chronicles 1 Chapter 2 — https://ajew.org/reader-plain/tanach-divrei-hayamim-a/1/2/index.txt
- Chronicles 1 Chapter 20 — https://ajew.org/reader-plain/tanach-divrei-hayamim-a/1/20/index.txt
- Chronicles 1 Chapter 21 — https://ajew.org/reader-plain/tanach-divrei-hayamim-a/1/21/index.txt
- Chronicles 1 Chapter 22 — https://ajew.org/reader-plain/tanach-divrei-hayamim-a/1/22/index.txt
- Chronicles 1 Chapter 23 — https://ajew.org/reader-plain/tanach-divrei-hayamim-a/1/23/index.txt
- Chronicles 1 Chapter 24 — https://ajew.org/reader-plain/tanach-divrei-hayamim-a/1/24/index.txt
- Chronicles 1 Chapter 25 — https://ajew.org/reader-plain/tanach-divrei-hayamim-a/1/25/index.txt
- Chronicles 1 Chapter 26 — https://ajew.org/reader-plain/tanach-divrei-hayamim-a/1/26/index.txt
- Chronicles 1 Chapter 27 — https://ajew.org/reader-plain/tanach-divrei-hayamim-a/1/27/index.txt
- Chronicles 1 Chapter 28 — https://ajew.org/reader-plain/tanach-divrei-hayamim-a/1/28/index.txt
- Chronicles 1 Chapter 29 — https://ajew.org/reader-plain/tanach-divrei-hayamim-a/1/29/index.txt
- Chronicles 1 Chapter 3 — https://ajew.org/reader-plain/tanach-divrei-hayamim-a/1/3/index.txt
- Chronicles 1 Chapter 4 — https://ajew.org/reader-plain/tanach-divrei-hayamim-a/1/4/index.txt
- Chronicles 1 Chapter 5 — https://ajew.org/reader-plain/tanach-divrei-hayamim-a/1/5/index.txt
- Chronicles 1 Chapter 6 — https://ajew.org/reader-plain/tanach-divrei-hayamim-a/1/6/index.txt
- Chronicles 1 Chapter 7 — https://ajew.org/reader-plain/tanach-divrei-hayamim-a/1/7/index.txt
- Chronicles 1 Chapter 8 — https://ajew.org/reader-plain/tanach-divrei-hayamim-a/1/8/index.txt
- Chronicles 1 Chapter 9 — https://ajew.org/reader-plain/tanach-divrei-hayamim-a/1/9/index.txt


====================



# Chronicles 1 Chapter 1
URL: https://ajew.org/reader-plain/tanach-divrei-hayamim-a/1/1/

Chronicles 1 Chapter 1
דברי הימים א פרק א
Source: https://ajew.org/reader/tanach-divrei-hayamim-a/1/1

Segment 1
HE:
אדם שת אנוש:

Segment 2
HE:
קינן מהללאל ירד:

Segment 3
HE:
חנוך מתושלח למך:

Segment 4
HE:
נח שם חם ויפת: (ס)

Segment 5
HE:
בני יפת גמר ומגוג ומדי ויון ותבל ומשך ותירס: (ס)

Segment 6
HE:
ובני גמר אשכנז ודיפת ותוגרמה: (ס)

Segment 7
HE:
ובני יון אלישה ותרשישה כתים ורודנים: (ס)

Segment 8
HE:
בני חם כוש ומצרים פוט וכנען:

Segment 9
HE:
ובני כוש סבא וחוילה וסבתא ורעמא וסבתכא ובני רעמא שבא ודדן: (ס)

Segment 10
HE:
וכוש ילד את נמרוד הוא החל להיות גבור בארץ: (ס)

Segment 11
HE:
ומצרים ילד את (לודיים) לודים ואת ענמים ואת להבים ואת נפתחים:

Segment 12
HE:
ואת פתרסים ואת כסלחים אשר יצאו משם פלשתים ואת כפתרים: (ס)

Segment 13
HE:
וכנען ילד את צידון בכרו ואת חת:

Segment 14
HE:
ואת היבוסי ואת האמרי ואת הגרגשי:

Segment 15
HE:
ואת החוי ואת הערקי ואת הסיני:

Segment 16
HE:
ואת הארודי ואת הצמרי ואת החמתי: (ס)

Segment 17
HE:
בני שם עילם ואשור וארפכשד ולוד וארם ועוץ וחול וגתר ומשך: (ס)

Segment 18
HE:
וארפכשד ילד את שלח ושלח ילד את עבר:

Segment 19
HE:
ולעבר ילד שני בנים שם האחד פלג כי בימיו נפלגה הארץ ושם אחיו יקטן:

Segment 20
HE:
ויקטן ילד את אלמודד ואת שלף ואת חצרמות ואת ירח:

Segment 21
HE:
ואת הדורם ואת אוזל ואת דקלה:

Segment 22
HE:
ואת עיבל ואת אבימאל ואת שבא:

Segment 23
HE:
ואת אופיר ואת חוילה ואת יובב כל אלה בני יקטן: (ס)

Segment 24
HE:
שם ארפכשד שלח:

Segment 25
HE:
עבר פלג רעו:

Segment 26
HE:
שרוג נחור תרח:

Segment 27
HE:
אברם הוא אברהם: (ס)

Segment 28
HE:
בני אברהם יצחק וישמעאל: (ס)

Segment 29
HE:
אלה תלדותם בכור ישמעאל נביות וקדר ואדבאל ומבשם:

Segment 30
HE:
משמע ודומה משא חדד ותימא:

Segment 31
HE:
יטור נפיש וקדמה אלה הם בני ישמעאל: (ס)

Segment 32
HE:
ובני קטורה פילגש אברהם ילדה את זמרן ויקשן ומדן ומדין וישבק ושוח ובני יקשן שבא ודדן: (ס)

Segment 33
HE:
ובני מדין עיפה ועפר וחנוך ואבידע ואלדעה כל אלה בני קטורה: (ס)

Segment 34
HE:
ויולד אברהם את יצחק בני יצחק עשו וישראל: (ס)

Segment 35
HE:
בני עשו אליפז רעואל ויעוש ויעלם וקרח: (ס)

Segment 36
HE:
בני אליפז תימן ואומר צפי וגעתם קנז ותמנע ועמלק: (ס)

Segment 37
HE:
בני רעואל נחת זרח שמה ומזה: (ס)

Segment 38
HE:
ובני שעיר לוטן ושובל וצבעון וענה ודישן ואצר ודישן: (ס)

Segment 39
HE:
ובני לוטן חרי והומם ואחות לוטן תמנע: (ס)

Segment 40
HE:
בני שובל עלין ומנחת ועיבל שפי ואונם ובני צבעון איה וענה: (ס)

Segment 41
HE:
בני ענה דישון ובני דישון חמרן ואשבן ויתרן וכרן:

Segment 42
HE:
בני אצר בלהן וזעון יעקן בני דישון עוץ וארן: (פ)

Segment 43
HE:
ואלה המלכים אשר מלכו בארץ אדום לפני מלך מלך לבני ישראל בלע בן בעור ושם עירו דנהבה:

Segment 44
HE:
וימת בלע וימלך תחתיו יובב בן זרח מבצרה:

Segment 45
HE:
וימת יובב וימלך תחתיו חושם מארץ התימני:

Segment 46
HE:
וימת חושם וימלך תחתיו הדד בן בדד המכה את מדין בשדה מואב ושם עירו (עיות) עוית:

Segment 47
HE:
וימת הדד וימלך תחתיו שמלה ממשרקה:

Segment 48
HE:
וימת שמלה וימלך תחתיו שאול מרחבות הנהר:

Segment 49
HE:
וימת שאול וימלך תחתיו בעל חנן בן עכבור:

Segment 50
HE:
וימת בעל חנן וימלך תחתיו הדד ושם עירו פעי ושם אשתו מהיטבאל בת מטרד בת מי זהב:

Segment 51
HE:
וימת הדד (פ) ויהיו אלופי אדום אלוף תמנע אלוף (עליה) עלוה אלוף יתת:

Segment 52
HE:
אלוף אהליבמה אלוף אלה אלוף פינן:

Segment 53
HE:
אלוף קנז אלוף תימן אלוף מבצר:

Segment 54
HE:
אלוף מגדיאל אלוף עירם אלה אלופי אדום: (פ)



# Chronicles 1 Chapter 10
URL: https://ajew.org/reader-plain/tanach-divrei-hayamim-a/1/10/

Chronicles 1 Chapter 10
דברי הימים א פרק י
Source: https://ajew.org/reader/tanach-divrei-hayamim-a/1/10

Segment 1
HE:
ופלשתים נלחמו בישראל וינס איש ישראל מפני פלשתים ויפלו חללים בהר גלבע:

Segment 2
HE:
וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול:

Segment 3
HE:
ותכבד המלחמה על שאול וימצאהו המורים בקשת ויחל מן היורים:

Segment 4
HE:
ויאמר שאול אל נשא כליו שלף חרבך ודקרני בה פן יבאו הערלים האלה והתעללו בי ולא אבה נשא כליו כי ירא מאד (ס) ויקח שאול את החרב ויפל עליה:

Segment 5
HE:
וירא נשא כליו כי מת שאול ויפל גם הוא על החרב וימת: (ס)

Segment 6
HE:
וימת שאול ושלשת בניו וכל ביתו יחדו מתו:

Segment 7
HE:
ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם: (ס)

Segment 8
HE:
ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע:

Segment 9
HE:
ויפשיטהו וישאו את ראשו ואת כליו וישלחו בארץ פלשתים סביב לבשר את עצביהם ואת העם:

Segment 10
HE:
וישימו את כליו בית אלהיהם ואת גלגלתו תקעו בית דגון: (ס)

Segment 11
HE:
וישמעו כל יביש גלעד את כל אשר עשו פלשתים לשאול:

Segment 12
HE:
ויקומו כל איש חיל וישאו את גופת שאול ואת גופת בניו ויביאום יבישה ויקברו את עצמותיהם תחת האלה ביבש ויצומו שבעת ימים:

Segment 13
HE:
וימת שאול במעלו אשר מעל ביהוה על דבר יהוה אשר לא שמר וגם לשאול באוב לדרוש:

Segment 14
HE:
ולא דרש ביהוה וימיתהו ויסב את המלוכה לדויד בן ישי: (פ)



# Chronicles 1 Chapter 11
URL: https://ajew.org/reader-plain/tanach-divrei-hayamim-a/1/11/

Chronicles 1 Chapter 11
דברי הימים א פרק יא
Source: https://ajew.org/reader/tanach-divrei-hayamim-a/1/11

Segment 1
HE:
ויקבצו כל ישראל אל דויד חברונה לאמר הנה עצמך ובשרך אנחנו:

Segment 2
HE:
גם תמול גם שלשום גם בהיות שאול מלך אתה המוציא והמביא את ישראל ויאמר יהוה אלהיך לך אתה תרעה את עמי את ישראל ואתה תהיה נגיד על עמי ישראל:

Segment 3
HE:
ויבאו כל זקני ישראל אל המלך חברונה ויכרת להם דויד ברית בחברון לפני יהוה וימשחו את דויד למלך על ישראל כדבר יהוה ביד שמואל: (ס)

Segment 4
HE:
וילך דויד וכל ישראל ירושלם היא יבוס ושם היבוסי ישבי הארץ:

Segment 5
HE:
ויאמרו ישבי יבוס לדויד לא תבוא הנה וילכד דויד את מצדת ציון היא עיר דויד:

Segment 6
HE:
ויאמר דויד כל מכה יבוסי בראשונה יהיה לראש ולשר ויעל בראשונה יואב בן צרויה ויהי לראש:

Segment 7
HE:
וישב דויד במצד על כן קראו לו עיר דויד:

Segment 8
HE:
ויבן העיר מסביב מן המלוא ועד הסביב ויואב יחיה את שאר העיר:

Segment 9
HE:
וילך דויד הלוך וגדול ויהוה צבאות עמו: (פ)

Segment 10
HE:
ואלה ראשי הגבורים אשר לדויד המתחזקים עמו במלכותו עם כל ישראל להמליכו כדבר יהוה על ישראל: (ס)

Segment 11
HE:
ואלה מספר הגברים אשר לדויד ישבעם בן חכמוני ראש (השלושים) השלישים הוא עורר את חניתו על שלש מאות חלל בפעם אחת:

Segment 12
HE:
ואחריו אלעזר בן דודו האחוחי הוא בשלושה הגברים:

Segment 13
HE:
הוא היה עם דויד בפס דמים והפלשתים נאספו שם למלחמה ותהי חלקת השדה מלאה שעורים והעם נסו מפני פלשתים:

Segment 14
HE:
ויתיצבו בתוך החלקה ויצילוה ויכו את פלשתים ויושע יהוה תשועה גדולה:

Segment 15
HE:
וירדו שלושה מן השלושים ראש על הצר אל דויד אל מערת עדלם ומחנה פלשתים חנה בעמק רפאים:

Segment 16
HE:
ודויד אז במצודה ונציב פלשתים אז בבית לחם:

Segment 17
HE:
(ויתאו) ויתאיו דויד ויאמר מי ישקני מים מבור בית לחם אשר בשער:

Segment 18
HE:
ויבקעו השלשה במחנה פלשתים וישאבו מים מבור בית לחם אשר בשער וישאו ויבאו אל דויד ולא אבה דויד לשתותם וינסך אתם ליהוה:

Segment 19
HE:
ויאמר חלילה לי מאלהי מעשות זאת הדם האנשים האלה אשתה בנפשותם כי בנפשותם הביאום ולא אבה לשתותם אלה עשו שלשת הגבורים:

Segment 20
HE:
ואבשי אחי יואב הוא היה ראש השלושה והוא עורר את חניתו על שלש מאות חלל (ולא) ולו שם בשלושה:

Segment 21
HE:
מן השלושה בשנים נכבד ויהי להם לשר ועד השלושה לא בא: (ס)

Segment 22
HE:
בניה בן יהוידע בן איש חיל רב פעלים מן קבצאל הוא הכה את שני אריאל מואב והוא ירד והכה את הארי בתוך הבור ביום השלג:

Segment 23
HE:
והוא הכה את האיש המצרי איש מדה חמש באמה וביד המצרי חנית כמנור ארגים וירד אליו בשבט ויגזל את החנית מיד המצרי ויהרגהו בחניתו:

Segment 24
HE:
אלה עשה בניהו בן יהוידע ולו שם בשלושה הגברים:

Segment 25
HE:
מן השלושים הנו נכבד הוא ואל השלושה לא בא וישימהו דויד על משמעתו: (ס)

Segment 26
HE:
וגבורי החילים עשה אל אחי (ס) יואב אלחנן בן דודו מבית לחם: (ס)

Segment 27
HE:
שמות ההרורי (ס) חלץ הפלוני: (ס)

Segment 28
HE:
עירא בן עקש התקועי (ס) אביעזר הענתותי: (ס)

Segment 29
HE:
סבכי החשתי (ס) עילי האחוחי: (ס)

Segment 30
HE:
מהרי הנטפתי (ס) חלד בן בענה הנטופתי: (ס)

Segment 31
HE:
איתי בן ריבי מגבעת בני בנימן (ס) בניה הפרעתני: (ס)

Segment 32
HE:
חורי מנחלי געש (ס) אביאל הערבתי: (ס)

Segment 33
HE:
עזמות הבחרומי (ס) אליחבא השעלבני: (ס)

Segment 34
HE:
בני השם הגזוני (ס) יונתן בן שגה ההררי: (ס)

Segment 35
HE:
אחיאם בן שכר ההררי (ס) אליפל בן אור: (ס)

Segment 36
HE:
חפר המכרתי אחיה הפלני: (ס)

Segment 37
HE:
חצרו הכרמלי (ס) נערי בן אזבי: (ס)

Segment 38
HE:
יואל אחי נתן (ס) מבחר בן הגרי: (ס)

Segment 39
HE:
צלק העמוני נחרי הברתי נשא כלי יואב בן צרויה: (ס)

Segment 40
HE:
עירא היתרי (ס) גרב היתרי: (ס)

Segment 41
HE:
אוריה החתי (ס) זבד בן אחלי: (ס)

Segment 42
HE:
עדינא בן שיזא הראובני ראש לראובני ועליו שלושים: (ס)

Segment 43
HE:
חנן בן מעכה ויושפט המתני: (ס)

Segment 44
HE:
עזיא העשתרתי (ס) שמע (ויעואל) ויעיאל בני חותם הערערי: (ס)

Segment 45
HE:
ידיעאל בן שמרי ויחא אחיו התיצי: (ס)

Segment 46
HE:
אליאל המחוים ויריבי ויושויה בני אלנעם (ס) ויתמה המואבי:

Segment 47
HE:
אליאל ועובד (ס) ויעשיאל המצביה: (פ)



# Chronicles 1 Chapter 12
URL: https://ajew.org/reader-plain/tanach-divrei-hayamim-a/1/12/

Chronicles 1 Chapter 12
דברי הימים א פרק יב
Source: https://ajew.org/reader/tanach-divrei-hayamim-a/1/12

Segment 1
HE:
ואלה הבאים אל דויד לציקלג עוד עצור מפני שאול בן קיש והמה בגבורים עזרי המלחמה:

Segment 2
HE:
נשקי קשת מימינים ומשמאלים באבנים ובחצים בקשת מאחי שאול מבנימן:

Segment 3
HE:
הראש אחיעזר ויואש בני השמעה הגבעתי (ויזואל) ויזיאל ופלט בני עזמות וברכה ויהוא הענתתי:

Segment 4
HE:
וישמעיה הגבעוני גבור בשלשים ועל השלשים:

Segment 5
HE:
וירמיה ויחזיאל ויוחנן ויוזבד הגדרתי: (ס)

Segment 6
HE:
אלעוזי וירימות ובעליה ושמריהו ושפטיהו (החריפי) החרופי:

Segment 7
HE:
אלקנה וישיהו ועזראל ויועזר וישבעם הקרחים:

Segment 8
HE:
ויועאלה וזבדיה בני ירחם מן הגדור:

Segment 9
HE:
ומן הגדי נבדלו אל דויד למצד מדברה גברי החיל אנשי צבא למלחמה ערכי צנה ורמח ופני אריה פניהם וכצבאים על ההרים למהר:

Segment 10
HE:
עזר הראש עבדיה השני אליאב השלשי:

Segment 11
HE:
משמנה הרביעי ירמיה החמשי:

Segment 12
HE:
עתי הששי אליאל השבעי:

Segment 13
HE:
יוחנן השמיני אלזבד התשיעי:

Segment 14
HE:
ירמיהו העשירי מכבני עשתי עשר: (ס)

Segment 15
HE:
אלה מבני גד ראשי הצבא אחד למאה הקטן והגדול לאלף:

Segment 16
HE:
אלה הם אשר עברו את הירדן בחדש הראשון והוא ממלא על כל (גדיתיו) גדותיו ויבריחו את כל העמקים למזרח ולמערב: (פ)

Segment 17
HE:
ויבאו מן בני בנימן ויהודה עד למצד לדויד:

Segment 18
HE:
ויצא דויד לפניהם ויען ויאמר להם אם לשלום באתם אלי לעזרני יהיה לי עליכם לבב ליחד ואם לרמותני לצרי בלא חמס בכפי ירא אלהי אבותינו ויוכח: (ס)

Segment 19
HE:
ורוח לבשה את עמשי ראש (השלושים) השלישים לך דויד ועמך בן ישי שלום שלום לך ושלום לעזרך כי עזרך אלהיך ויקבלם דויד ויתנם בראשי הגדוד: (פ)

Segment 20
HE:
וממנשה נפלו על דויד בבאו עם פלשתים על שאול למלחמה ולא עזרם כי בעצה שלחהו סרני פלשתים לאמר בראשינו יפול אל אדניו שאול:

Segment 21
HE:
בלכתו אל ציקלג נפלו עליו ממנשה עדנח ויוזבד וידיעאל ומיכאל ויוזבד ואליהוא וצלתי ראשי האלפים אשר למנשה:

Segment 22
HE:
והמה עזרו עם דויד על הגדוד כי גבורי חיל כלם ויהיו שרים בצבא:

Segment 23
HE:
כי לעת יום ביום יבאו על דויד לעזרו עד למחנה גדול כמחנה אלהים: (פ)

Segment 24
HE:
ואלה מספרי ראשי החלוץ לצבא באו על דויד חברונה להסב מלכות שאול אליו כפי יהוה: (ס)

Segment 25
HE:
בני יהודה נשאי צנה ורמח ששת אלפים ושמונה מאות חלוצי צבא: (ס)

Segment 26
HE:
מן בני שמעון גבורי חיל לצבא שבעת אלפים ומאה: (ס)

Segment 27
HE:
מן בני הלוי ארבעת אלפים ושש מאות: (ס)

Segment 28
HE:
ויהוידע הנגיד לאהרן ועמו שלשת אלפים ושבע מאות: (ס)

Segment 29
HE:
וצדוק נער גבור חיל ובית אביו שרים עשרים ושנים: (ס)

Segment 30
HE:
ומן בני בנימן אחי שאול שלשת אלפים ועד הנה מרביתם שמרים משמרת בית שאול: (ס)

Segment 31
HE:
ומן בני אפרים עשרים אלף ושמונה מאות גבורי חיל אנשי שמות לבית אבותם: (ס)

Segment 32
HE:
ומחצי מטה מנשה שמונה עשר אלף אשר נקבו בשמות לבוא להמליך את דויד: (ס)

Segment 33
HE:
ומבני יששכר יודעי בינה לעתים לדעת מה יעשה ישראל ראשיהם מאתים וכל אחיהם על פיהם: (ס)

Segment 34
HE:
מזבלון יוצאי צבא ערכי מלחמה בכל כלי מלחמה חמשים אלף ולעדר בלא לב ולב: (ס)

Segment 35
HE:
ומנפתלי שרים אלף ועמהם בצנה וחנית שלשים ושבעה אלף: (ס)

Segment 36
HE:
ומן הדני ערכי מלחמה עשרים ושמונה אלף ושש מאות: (ס)

Segment 37
HE:
ומאשר יוצאי צבא לערך מלחמה ארבעים אלף: (ס)

Segment 38
HE:
ומעבר לירדן מן הראובני והגדי וחצי שבט מנשה בכל כלי צבא מלחמה מאה ועשרים אלף: (ס)

Segment 39
HE:
כל אלה אנשי מלחמה עדרי מערכה בלבב שלם באו חברונה להמליך את דויד על כל ישראל וגם כל שרית ישראל לב אחד להמליך את דויד:

Segment 40
HE:
ויהיו שם עם דויד ימים שלושה אכלים ושותים כי הכינו להם אחיהם:

Segment 41
HE:
וגם הקרובים אליהם עד יששכר וזבלון ונפתלי מביאים לחם בחמורים ובגמלים ובפרדים ובבקר מאכל קמח דבלים וצמוקים ויין ושמן ובקר וצאן לרב כי שמחה בישראל: (פ)



# Chronicles 1 Chapter 13
URL: https://ajew.org/reader-plain/tanach-divrei-hayamim-a/1/13/

Chronicles 1 Chapter 13
דברי הימים א פרק יג
Source: https://ajew.org/reader/tanach-divrei-hayamim-a/1/13

Segment 1
HE:
ויועץ דויד עם שרי האלפים והמאות לכל נגיד:

Segment 2
HE:
ויאמר דויד לכל קהל ישראל אם עליכם טוב ומן יהוה אלהינו נפרצה נשלחה על אחינו הנשארים בכל ארצות ישראל ועמהם הכהנים והלוים בערי מגרשיהם ויקבצו אלינו:

Segment 3
HE:
ונסבה את ארון אלהינו אלינו כי לא דרשנהו בימי שאול:

Segment 4
HE:
ויאמרו כל הקהל לעשות כן כי ישר הדבר בעיני כל העם:

Segment 5
HE:
ויקהל דויד את כל ישראל מן שיחור מצרים ועד לבוא חמת להביא את ארון האלהים מקרית יערים:

Segment 6
HE:
ויעל דויד וכל ישראל בעלתה אל קרית יערים אשר ליהודה להעלות משם את ארון האלהים יהוה יושב הכרובים אשר נקרא שם:

Segment 7
HE:
וירכיבו את ארון האלהים על עגלה חדשה מבית אבינדב ועזא ואחיו נהגים בעגלה:

Segment 8
HE:
ודויד וכל ישראל משחקים לפני האלהים בכל עז ובשירים ובכנרות ובנבלים ובתפים ובמצלתים ובחצצרות:

Segment 9
HE:
ויבאו עד גרן כידן וישלח עזא את ידו לאחז את הארון כי שמטו הבקר:

Segment 10
HE:
ויחר אף יהוה בעזא ויכהו על אשר שלח ידו על הארון וימת שם לפני אלהים:

Segment 11
HE:
ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה:

Segment 12
HE:
ויירא דויד את האלהים ביום ההוא לאמר היך אביא אלי את ארון האלהים:

Segment 13
HE:
ולא הסיר דויד את הארון אליו אל עיר דויד ויטהו אל בית עבד אדם הגתי:

Segment 14
HE:
וישב ארון האלהים עם בית עבד אדם בביתו שלשה חדשים ויברך יהוה את בית עבד אדם ואת כל אשר לו: (ס)



# Chronicles 1 Chapter 14
URL: https://ajew.org/reader-plain/tanach-divrei-hayamim-a/1/14/

Chronicles 1 Chapter 14
דברי הימים א פרק יד
Source: https://ajew.org/reader/tanach-divrei-hayamim-a/1/14

Segment 1
HE:
וישלח (חירם) חורם מלך צר מלאכים אל דויד ועצי ארזים וחרשי קיר וחרשי עצים לבנות לו בית:

Segment 2
HE:
וידע דויד כי הכינו יהוה למלך על ישראל כי נשאת למעלה מלכותו בעבור עמו ישראל:

Segment 3
HE:
ויקח דויד עוד נשים בירושלם ויולד דויד עוד בנים ובנות:

Segment 4
HE:
ואלה שמות הילודים אשר היו לו בירושלם שמוע ושובב נתן ושלמה:

Segment 5
HE:
ויבחר ואלישוע ואלפלט:

Segment 6
HE:
ונגה ונפג ויפיע:

Segment 7
HE:
ואלישמע ובעלידע ואליפלט: (פ)

Segment 8
HE:
וישמעו פלשתים כי נמשח דויד למלך על כל ישראל ויעלו כל פלשתים לבקש את דויד וישמע דויד ויצא לפניהם:

Segment 9
HE:
ופלשתים באו ויפשטו בעמק רפאים:

Segment 10
HE:
וישאל דויד באלהים לאמר האעלה על (פלשתיים) פלשתים ונתתם בידי ויאמר לו יהוה עלה ונתתים בידך:

Segment 11
HE:
ויעלו בבעל פרצים ויכם שם דויד ויאמר דויד פרץ האלהים את אויבי בידי כפרץ מים על כן קראו שם המקום ההוא בעל פרצים:

Segment 12
HE:
ויעזבו שם את אלהיהם ויאמר דויד וישרפו באש: (פ)

Segment 13
HE:
ויסיפו עוד פלשתים ויפשטו בעמק:

Segment 14
HE:
וישאל עוד דויד באלהים ויאמר לו האלהים לא תעלה אחריהם הסב מעליהם ובאת להם ממול הבכאים:

Segment 15
HE:
ויהי כשמעך את קול הצעדה בראשי הבכאים אז תצא במלחמה כי יצא האלהים לפניך להכות את מחנה פלשתים:

Segment 16
HE:
ויעש דויד כאשר צוהו האלהים ויכו את מחנה פלשתים מגבעון ועד גזרה:

Segment 17
HE:
ויצא שם דויד בכל הארצות ויהוה נתן את פחדו על כל הגוים:



# Chronicles 1 Chapter 15
URL: https://ajew.org/reader-plain/tanach-divrei-hayamim-a/1/15/

Chronicles 1 Chapter 15
דברי הימים א פרק טו
Source: https://ajew.org/reader/tanach-divrei-hayamim-a/1/15

Segment 1
HE:
ויעש לו בתים בעיר דויד ויכן מקום לארון האלהים ויט לו אהל:

Segment 2
HE:
אז אמר דויד לא לשאת את ארון האלהים כי אם הלוים כי בם בחר יהוה לשאת את ארון יהוה ולשרתו עד עולם: (פ)

Segment 3
HE:
ויקהל דויד את כל ישראל אל ירושלם להעלות את ארון יהוה אל מקומו אשר הכין לו:

Segment 4
HE:
ויאסף דויד את בני אהרן ואת הלוים: (ס)

Segment 5
HE:
לבני קהת אוריאל השר ואחיו מאה ועשרים: (ס)

Segment 6
HE:
לבני מררי עשיה השר ואחיו מאתים ועשרים: (ס)

Segment 7
HE:
לבני גרשום יואל השר ואחיו מאה ושלשים: (ס)

Segment 8
HE:
לבני אליצפן שמעיה השר ואחיו מאתים: (ס)

Segment 9
HE:
לבני חברון אליאל השר ואחיו שמונים: (ס)

Segment 10
HE:
לבני עזיאל עמינדב השר ואחיו מאה ושנים עשר:

Segment 11
HE:
ויקרא דויד לצדוק ולאביתר הכהנים וללוים לאוריאל עשיה ויואל שמעיה ואליאל ועמינדב: (ס)

Segment 12
HE:
ויאמר להם אתם ראשי האבות ללוים התקדשו אתם ואחיכם והעליתם את ארון יהוה אלהי ישראל אל הכינותי לו:

Segment 13
HE:
כי למבראשונה לא אתם פרץ יהוה אלהינו בנו כי לא דרשנהו כמשפט:

Segment 14
HE:
ויתקדשו הכהנים והלוים להעלות את ארון יהוה אלהי ישראל:

Segment 15
HE:
וישאו בני הלוים את ארון האלהים כאשר צוה משה כדבר יהוה בכתפם במטות עליהם: (פ)

Segment 16
HE:
ויאמר דויד לשרי הלוים להעמיד את אחיהם המשררים בכלי שיר נבלים וכנרות ומצלתים משמיעים להרים בקול לשמחה: (פ)

Segment 17
HE:
ויעמידו הלוים את הימן בן יואל ומן אחיו אסף בן ברכיהו (ס) ומן בני מררי אחיהם איתן בן קושיהו:

Segment 18
HE:
ועמהם אחיהם המשנים זכריהו בן ויעזיאל ושמירמות ויחיאל ועני אליאב ובניהו ומעשיהו ומתתיהו ואליפלהו ומקניהו ועבד אדם ויעיאל השערים:

Segment 19
HE:
והמשררים הימן אסף ואיתן במצלתים נחשת להשמיע:

Segment 20
HE:
וזכריה ועזיאל ושמירמות ויחיאל ועני ואליאב ומעשיהו ובניהו בנבלים על עלמות:

Segment 21
HE:
ומתתיהו ואליפלהו ומקניהו ועבד אדם ויעיאל ועזזיהו בכנרות על השמינית לנצח:

Segment 22
HE:
וכנניהו שר הלוים במשא יסר במשא כי מבין הוא:

Segment 23
HE:
וברכיה ואלקנה שערים לארון:

Segment 24
HE:
ושבניהו ויושפט ונתנאל ועמשי וזכריהו ובניהו ואליעזר הכהנים (מחצצרים) מחצרים בחצצרות לפני ארון האלהים ועבד אדם ויחיה שערים לארון:

Segment 25
HE:
ויהי דויד וזקני ישראל ושרי האלפים ההלכים להעלות את ארון ברית יהוה מן בית עבד אדם בשמחה: (פ)

Segment 26
HE:
ויהי בעזר האלהים את הלוים נשאי ארון ברית יהוה ויזבחו שבעה פרים ושבעה אילים:

Segment 27
HE:
ודויד מכרבל במעיל בוץ וכל הלוים הנשאים את הארון והמשררים וכנניה השר המשא המשררים ועל דויד אפוד בד:

Segment 28
HE:
וכל ישראל מעלים את ארון ברית יהוה בתרועה ובקול שופר ובחצצרות ובמצלתים משמעים בנבלים וכנרות:

Segment 29
HE:
ויהי ארון ברית יהוה בא עד עיר דויד ומיכל בת שאול נשקפה בעד החלון ותרא את המלך דויד מרקד ומשחק ותבז לו בלבה: (פ)



# Chronicles 1 Chapter 16
URL: https://ajew.org/reader-plain/tanach-divrei-hayamim-a/1/16/

Chronicles 1 Chapter 16
דברי הימים א פרק טז
Source: https://ajew.org/reader/tanach-divrei-hayamim-a/1/16

Segment 1
HE:
ויביאו את ארון האלהים ויציגו אתו בתוך האהל אשר נטה לו דויד ויקריבו עלות ושלמים לפני האלהים:

Segment 2
HE:
ויכל דויד מהעלות העלה והשלמים ויברך את העם בשם יהוה:

Segment 3
HE:
ויחלק לכל איש ישראל מאיש ועד אשה לאיש ככר לחם ואשפר ואשישה:

Segment 4
HE:
ויתן לפני ארון יהוה מן הלוים משרתים ולהזכיר ולהודות ולהלל ליהוה אלהי ישראל: (ס)

Segment 5
HE:
אסף הראש ומשנהו זכריה יעיאל ושמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משמיע:

Segment 6
HE:
ובניהו ויחזיאל הכהנים בחצצרות תמיד לפני ארון ברית האלהים:

Segment 7
HE:
ביום ההוא אז נתן דויד בראש להדות ליהוה ביד אסף ואחיו:

Segment 8
HE:
הודו ליהוה קראו בשמו (ס) הודיעו בעמים עלילתיו:

Segment 9
HE:
שירו לו זמרו לו (ס) שיחו בכל נפלאתיו:

Segment 10
HE:
התהללו בשם קדשו (ס) ישמח לב מבקשי יהוה:

Segment 11
HE:
דרשו יהוה ועזו (ס) בקשו פניו תמיד:

Segment 12
HE:
זכרו נפלאתיו אשר עשה (ס) מפתיו ומשפטי פיהו:

Segment 13
HE:
זרע ישראל עבדו (ס) בני יעקב בחיריו:

Segment 14
HE:
הוא יהוה אלהינו (ס) בכל הארץ משפטיו:

Segment 15
HE:
זכרו לעולם בריתו (ס) דבר צוה לאלף דור:

Segment 16
HE:
אשר כרת את אברהם (ס) ושבועתו ליצחק:

Segment 17
HE:
ויעמידה ליעקב לחק (ס) לישראל ברית עולם:

Segment 18
HE:
לאמר לך אתן ארץ כנען (ס) חבל נחלתכם:

Segment 19
HE:
בהיותכם מתי מספר (ס) כמעט וגרים בה:

Segment 20
HE:
ויתהלכו מגוי אל גוי (ס) ומממלכה אל עם אחר:

Segment 21
HE:
לא הניח לאיש לעשקם (ס) ויוכח עליהם מלכים:

Segment 22
HE:
אל תגעו במשיחי (ס) ובנביאי אל תרעו:

Segment 23
HE:
שירו ליהוה כל הארץ (ס) בשרו מיום אל יום ישועתו:

Segment 24
HE:
ספרו בגוים את כבודו (ס) בכל העמים נפלאתיו:

Segment 25
HE:
כי גדול יהוה ומהלל מאד (ס) ונורא הוא על כל אלהים:

Segment 26
HE:
כי כל אלהי העמים אלילים (ס) ויהוה שמים עשה:

Segment 27
HE:
הוד והדר לפניו (ס) עז וחדוה במקמו:

Segment 28
HE:
הבו ליהוה משפחות עמים (ס) הבו ליהוה כבוד ועז:

Segment 29
HE:
הבו ליהוה כבוד שמו (ס) שאו מנחה ובאו לפניו השתחוו ליהוה בהדרת קדש: (ס)

Segment 30
HE:
חילו מלפניו כל הארץ אף תכון תבל בל תמוט: (ס)

Segment 31
HE:
ישמחו השמים ותגל הארץ ויאמרו בגוים יהוה מלך: (ס)

Segment 32
HE:
ירעם הים ומלואו יעלץ השדה וכל אשר בו: (ס)

Segment 33
HE:
אז ירננו עצי היער מלפני יהוה כי בא לשפוט את הארץ: (ס)

Segment 34
HE:
הודו ליהוה כי טוב כי לעולם חסדו: (ס)

Segment 35
HE:
ואמרו הושיענו אלהי ישענו וקבצנו והצילנו מן הגוים (ס) להדות לשם קדשך להשתבח בתהלתך: (ס)

Segment 36
HE:
ברוך יהוה אלהי ישראל מן העולם ועד העלם ויאמרו כל העם אמן (ס) והלל ליהוה:

Segment 37
HE:
ויעזב שם לפני ארון ברית יהוה לאסף ולאחיו לשרת לפני הארון תמיד לדבר יום ביומו:

Segment 38
HE:
ועבד אדם ואחיהם ששים ושמונה (ס) ועבד אדם בן ידיתון וחסה לשערים:

Segment 39
HE:
ואת צדוק הכהן ואחיו הכהנים לפני משכן יהוה בבמה אשר בגבעון:

Segment 40
HE:
להעלות עלות ליהוה על מזבח העלה תמיד לבקר ולערב ולכל הכתוב בתורת יהוה אשר צוה על ישראל:

Segment 41
HE:
ועמהם הימן וידותון ושאר הברורים אשר נקבו בשמות להדות ליהוה כי לעולם חסדו:

Segment 42
HE:
ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער:

Segment 43
HE:
וילכו כל העם איש לביתו ויסב דויד לברך את ביתו: (פ)



# Chronicles 1 Chapter 17
URL: https://ajew.org/reader-plain/tanach-divrei-hayamim-a/1/17/

Chronicles 1 Chapter 17
דברי הימים א פרק יז
Source: https://ajew.org/reader/tanach-divrei-hayamim-a/1/17

Segment 1
HE:
ויהי כאשר ישב דויד בביתו ויאמר דויד אל נתן הנביא הנה אנכי יושב בבית הארזים וארון ברית יהוה תחת יריעות:

Segment 2
HE:
ויאמר נתן אל דויד כל אשר בלבבך עשה כי האלהים עמך: (ס)

Segment 3
HE:
ויהי בלילה ההוא ויהי דבר אלהים אל נתן לאמר:

Segment 4
HE:
לך ואמרת אל דויד עבדי כה אמר יהוה לא אתה תבנה לי הבית לשבת:

Segment 5
HE:
כי לא ישבתי בבית מן היום אשר העליתי את ישראל עד היום הזה ואהיה מאהל אל אהל וממשכן:

Segment 6
HE:
בכל אשר התהלכתי בכל ישראל הדבר דברתי את אחד שפטי ישראל אשר צויתי לרעות את עמי לאמר למה לא בניתם לי בית ארזים:

Segment 7
HE:
ועתה כה תאמר לעבדי לדויד (ס) כה אמר יהוה צבאות אני לקחתיך מן הנוה מן אחרי הצאן להיות נגיד על עמי ישראל:

Segment 8
HE:
ואהיה עמך בכל אשר הלכת ואכרית את כל אויביך מפניך ועשיתי לך שם כשם הגדולים אשר בארץ:

Segment 9
HE:
ושמתי מקום לעמי ישראל ונטעתיהו ושכן תחתיו ולא ירגז עוד ולא יוסיפו בני עולה לבלתו כאשר בראשונה:

Segment 10
HE:
ולמימים אשר צויתי שפטים על עמי ישראל והכנעתי את כל אויביך ואגד לך ובית יבנה לך יהוה:

Segment 11
HE:
והיה כי מלאו ימיך ללכת עם אבתיך והקימותי את זרעך אחריך אשר יהיה מבניך והכינותי את מלכותו:

Segment 12
HE:
הוא יבנה לי בית וכננתי את כסאו עד עולם:

Segment 13
HE:
אני אהיה לו לאב והוא יהיה לי לבן וחסדי לא אסיר מעמו כאשר הסירותי מאשר היה לפניך:

Segment 14
HE:
והעמדתיהו בביתי ובמלכותי עד העולם וכסאו יהיה נכון עד עולם:

Segment 15
HE:
ככל הדברים האלה וככל החזון הזה כן דבר נתן אל דויד: (פ)

Segment 16
HE:
ויבא המלך דויד וישב לפני יהוה ויאמר מי אני יהוה אלהים ומי ביתי כי הביאתני עד הלם:

Segment 17
HE:
ותקטן זאת בעיניך אלהים ותדבר על בית עבדך למרחוק וראיתני כתור האדם המעלה יהוה אלהים:

Segment 18
HE:
מה יוסיף עוד דויד אליך לכבוד את עבדך ואתה את עבדך ידעת:

Segment 19
HE:
יהוה בעבור עבדך וכלבך עשית את כל הגדולה הזאת להדיע את כל הגדלות:

Segment 20
HE:
יהוה אין כמוך ואין אלהים זולתך בכל אשר שמענו באזנינו:

Segment 21
HE:
ומי כעמך ישראל גוי אחד בארץ אשר הלך האלהים לפדות לו עם לשום לך שם גדלות ונראות לגרש מפני עמך אשר פדית ממצרים גוים:

Segment 22
HE:
ותתן את עמך ישראל לך לעם עד עולם ואתה יהוה היית להם לאלהים:

Segment 23
HE:
ועתה יהוה הדבר אשר דברת על עבדך ועל ביתו יאמן עד עולם ועשה כאשר דברת:

Segment 24
HE:
ויאמן ויגדל שמך עד עולם לאמר יהוה צבאות אלהי ישראל אלהים לישראל ובית דויד עבדך נכון לפניך:

Segment 25
HE:
כי אתה אלהי גלית את אזן עבדך לבנות לו בית על כן מצא עבדך להתפלל לפניך:

Segment 26
HE:
ועתה יהוה אתה הוא האלהים ותדבר על עבדך הטובה הזאת:

Segment 27
HE:
ועתה הואלת לברך את בית עבדך להיות לעולם לפניך כי אתה יהוה ברכת ומברך לעולם: (פ)



# Chronicles 1 Chapter 18
URL: https://ajew.org/reader-plain/tanach-divrei-hayamim-a/1/18/

Chronicles 1 Chapter 18
דברי הימים א פרק יח
Source: https://ajew.org/reader/tanach-divrei-hayamim-a/1/18

Segment 1
HE:
ויהי אחרי כן ויך דויד את פלשתים ויכניעם ויקח את גת ובנתיה מיד פלשתים:

Segment 2
HE:
ויך את מואב ויהיו מואב עבדים לדויד נשאי מנחה:

Segment 3
HE:
ויך דויד את הדדעזר מלך צובה חמתה בלכתו להציב ידו בנהר פרת:

Segment 4
HE:
וילכד דויד ממנו אלף רכב ושבעת אלפים פרשים ועשרים אלף איש רגלי ויעקר דויד את כל הרכב ויותר ממנו מאה רכב:

Segment 5
HE:
ויבא ארם דרמשק לעזור להדדעזר מלך צובה ויך דויד בארם עשרים ושנים אלף איש:

Segment 6
HE:
וישם דויד בארם דרמשק ויהי ארם לדויד עבדים נשאי מנחה ויושע יהוה לדויד בכל אשר הלך:

Segment 7
HE:
ויקח דויד את שלטי הזהב אשר היו על עבדי הדדעזר ויביאם ירושלם:

Segment 8
HE:
ומטבחת ומכון ערי הדדעזר לקח דויד נחשת רבה מאד בה עשה שלמה את ים הנחשת ואת העמודים ואת כלי הנחשת: (פ)

Segment 9
HE:
וישמע תעו מלך חמת כי הכה דויד את כל חיל הדדעזר מלך צובה:

Segment 10
HE:
וישלח את הדורם בנו אל המלך דויד (לשאול) לשאל לו לשלום ולברכו על אשר נלחם בהדדעזר ויכהו כי איש מלחמות תעו היה הדדעזר וכל כלי זהב וכסף ונחשת:

Segment 11
HE:
גם אתם הקדיש המלך דויד ליהוה עם הכסף והזהב אשר נשא מכל הגוים מאדום וממואב ומבני עמון ומפלשתים ומעמלק:

Segment 12
HE:
ואבשי בן צרויה הכה את אדום בגיא המלח שמונה עשר אלף:

Segment 13
HE:
וישם באדום נציבים ויהיו כל אדום עבדים לדויד ויושע יהוה את דויד בכל אשר הלך:

Segment 14
HE:
וימלך דויד על כל ישראל ויהי עשה משפט וצדקה לכל עמו:

Segment 15
HE:
ויואב בן צרויה על הצבא ויהושפט בן אחילוד מזכיר:

Segment 16
HE:
וצדוק בן אחיטוב ואבימלך בן אביתר כהנים ושושא סופר:

Segment 17
HE:
ובניהו בן יהוידע על הכרתי והפלתי ובני דויד הראשנים ליד המלך: (פ)



# Chronicles 1 Chapter 19
URL: https://ajew.org/reader-plain/tanach-divrei-hayamim-a/1/19/

Chronicles 1 Chapter 19
דברי הימים א פרק יט
Source: https://ajew.org/reader/tanach-divrei-hayamim-a/1/19

Segment 1
HE:
ויהי אחרי כן וימת נחש מלך בני עמון וימלך בנו תחתיו:

Segment 2
HE:
ויאמר דויד אעשה חסד עם חנון בן נחש כי עשה אביו עמי חסד וישלח דויד מלאכים לנחמו על אביו ויבאו עבדי דויד אל ארץ בני עמון אל חנון לנחמו:

Segment 3
HE:
ויאמרו שרי בני עמון לחנון המכבד דויד את אביך בעיניך כי שלח לך מנחמים הלא בעבור לחקר ולהפך ולרגל הארץ באו עבדיו אליך:

Segment 4
HE:
ויקח חנון את עבדי דויד ויגלחם ויכרת את מדויהם בחצי עד המפשעה וישלחם:

Segment 5
HE:
וילכו ויגידו לדויד על האנשים וישלח לקראתם כי היו האנשים נכלמים מאד ויאמר המלך שבו בירחו עד אשר יצמח זקנכם ושבתם: (ס)

Segment 6
HE:
ויראו בני עמון כי התבאשו עם דויד וישלח חנון ובני עמון אלף ככר כסף לשכר להם מן ארם נהרים ומן ארם מעכה ומצובה רכב ופרשים:

Segment 7
HE:
וישכרו להם שנים ושלשים אלף רכב ואת מלך מעכה ואת עמו ויבאו ויחנו לפני מידבא ובני עמון נאספו מעריהם ויבאו למלחמה: (ס)

Segment 8
HE:
וישמע דויד וישלח את יואב ואת כל צבא הגבורים:

Segment 9
HE:
ויצאו בני עמון ויערכו מלחמה פתח העיר והמלכים אשר באו לבדם בשדה:

Segment 10
HE:
וירא יואב כי היתה פני המלחמה אליו פנים ואחור ויבחר מכל בחור בישראל ויערך לקראת ארם:

Segment 11
HE:
ואת יתר העם נתן ביד אבשי אחיו ויערכו לקראת בני עמון:

Segment 12
HE:
ויאמר אם תחזק ממני ארם והיית לי לתשועה (ס) ואם בני עמון יחזקו ממך והושעתיך:

Segment 13
HE:
חזק ונתחזקה בעד עמנו ובעד ערי אלהינו ויהוה הטוב בעיניו יעשה:

Segment 14
HE:
ויגש יואב והעם אשר עמו לפני ארם למלחמה וינוסו מפניו:

Segment 15
HE:
ובני עמון ראו כי נס ארם וינוסו גם הם מפני אבשי אחיו ויבאו העירה ויבא יואב ירושלם: (ס)

Segment 16
HE:
וירא ארם כי נגפו לפני ישראל וישלחו מלאכים ויוציאו את ארם אשר מעבר הנהר ושופך שר צבא הדדעזר לפניהם:

Segment 17
HE:
ויגד לדויד ויאסף את כל ישראל ויעבר הירדן ויבא אלהם ויערך אלהם ויערך דויד לקראת ארם מלחמה וילחמו עמו:

Segment 18
HE:
וינס ארם מלפני ישראל ויהרג דויד מארם שבעת אלפים רכב וארבעים אלף איש רגלי ואת שופך שר הצבא המית:

Segment 19
HE:
ויראו עבדי הדדעזר כי נגפו לפני ישראל וישלימו עם דויד ויעבדהו ולא אבה ארם להושיע את בני עמון עוד: (ס)



# Chronicles 1 Chapter 2
URL: https://ajew.org/reader-plain/tanach-divrei-hayamim-a/1/2/

Chronicles 1 Chapter 2
דברי הימים א פרק ב
Source: https://ajew.org/reader/tanach-divrei-hayamim-a/1/2

Segment 1
HE:
אלה בני ישראל ראובן שמעון לוי ויהודה יששכר וזבלון:

Segment 2
HE:
דן יוסף ובנימן נפתלי גד ואשר: (פ)

Segment 3
HE:
בני יהודה ער ואונן ושלה שלושה נולד לו מבת שוע הכנענית ויהי ער בכור יהודה רע בעיני יהוה וימיתהו: (ס)

Segment 4
HE:
ותמר כלתו ילדה לו את פרץ ואת זרח כל בני יהודה חמשה: (ס)

Segment 5
HE:
בני פרץ חצרון וחמול: (ס)

Segment 6
HE:
ובני זרח זמרי ואיתן והימן וכלכל ודרע כלם חמשה: (ס)

Segment 7
HE:
ובני כרמי עכר עוכר ישראל אשר מעל בחרם: (ס)

Segment 8
HE:
ובני איתן עזריה: (ס)

Segment 9
HE:
ובני חצרון אשר נולד לו את ירחמאל ואת רם ואת כלובי:

Segment 10
HE:
ורם הוליד את עמינדב ועמינדב הוליד את נחשון נשיא בני יהודה:

Segment 11
HE:
ונחשון הוליד את שלמא ושלמא הוליד את בעז:

Segment 12
HE:
ובעז הוליד את עובד ועובד הוליד את ישי:

Segment 13
HE:
ואישי הוליד את בכרו את אליאב ואבינדב השני ושמעא השלישי:

Segment 14
HE:
נתנאל הרביעי רדי החמישי:

Segment 15
HE:
אצם הששי דויד השבעי:

Segment 16
HE:
(ואחיתיהם) ואחיותיהם צרויה ואביגיל ובני צרויה אבשי ויואב ועשה אל שלשה:

Segment 17
HE:
ואביגיל ילדה את עמשא ואבי עמשא יתר הישמעאלי:

Segment 18
HE:
וכלב בן חצרון הוליד את עזובה אשה ואת יריעות ואלה בניה ישר ושובב וארדון:

Segment 19
HE:
ותמת עזובה ויקח לו כלב את אפרת ותלד לו את חור:

Segment 20
HE:
וחור הוליד את אורי ואורי הוליד את בצלאל: (ס)

Segment 21
HE:
ואחר בא חצרון אל בת מכיר אבי גלעד והוא לקחה והוא בן ששים שנה ותלד לו את שגוב:

Segment 22
HE:
ושגוב הוליד את יאיר ויהי לו עשרים ושלוש ערים בארץ הגלעד: (ס)

Segment 23
HE:
ויקח גשור וארם את חות יאיר מאתם את קנת ואת בנתיה ששים עיר כל אלה בני מכיר אבי גלעד:

Segment 24
HE:
ואחר מות חצרון בכלב אפרתה ואשת חצרון אביה ותלד לו את אשחור אבי תקוע: (ס)

Segment 25
HE:
ויהיו בני ירחמאל בכור חצרון הבכור רם ובונה וארן ואצם אחיה:

Segment 26
HE:
ותהי אשה אחרת לירחמאל ושמה עטרה היא אם אונם: (ס)

Segment 27
HE:
ויהיו בני רם בכור ירחמאל מעץ וימין ועקר:

Segment 28
HE:
ויהיו בני אונם שמי וידע ובני שמי נדב ואבישור:

Segment 29
HE:
ושם אשת אבישור אביהיל ותלד לו את אחבן ואת מוליד:

Segment 30
HE:
ובני נדב סלד ואפים וימת סלד לא בנים:

Segment 31
HE:
ובני אפים ישעי ובני ישעי ששן ובני ששן אחלי:

Segment 32
HE:
ובני ידע אחי שמי יתר ויונתן וימת יתר לא בנים: (ס)

Segment 33
HE:
ובני יונתן פלת וזזא אלה היו בני ירחמאל:

Segment 34
HE:
ולא היה לששן בנים כי אם בנות ולששן עבד מצרי ושמו ירחע:

Segment 35
HE:
ויתן ששן את בתו לירחע עבדו לאשה ותלד לו את עתי:

Segment 36
HE:
ועתי הליד את נתן ונתן הוליד את זבד:

Segment 37
HE:
וזבד הוליד את אפלל ואפלל הוליד את עובד:

Segment 38
HE:
ועובד הוליד את יהוא ויהוא הוליד את עזריה:

Segment 39
HE:
ועזריה הליד את חלץ וחלץ הליד את אלעשה:

Segment 40
HE:
ואלעשה הליד את ססמי וססמי הליד את שלום:

Segment 41
HE:
ושלום הוליד את יקמיה ויקמיה הליד את אלישמע: (ס)

Segment 42
HE:
ובני כלב אחי ירחמאל מישע בכרו הוא אבי זיף ובני מרשה אבי חברון:

Segment 43
HE:
ובני חברון קרח ותפח ורקם ושמע:

Segment 44
HE:
ושמע הוליד את רחם אבי ירקעם ורקם הוליד את שמי:

Segment 45
HE:
ובן שמי מעון ומעון אבי בית צור:

Segment 46
HE:
ועיפה פילגש כלב ילדה את חרן ואת מוצא ואת גזז וחרן הליד את גזז: (ס)

Segment 47
HE:
ובני יהדי רגם ויותם וגישן ופלט ועיפה ושעף:

Segment 48
HE:
פלגש כלב מעכה ילד שבר ואת תרחנה:

Segment 49
HE:
ותלד שעף אבי מדמנה את שוא אבי מכבנה ואבי גבעא ובת כלב עכסה: (ס)

Segment 50
HE:
אלה היו בני כלב בן חור בכור אפרתה שובל אבי קרית יערים:

Segment 51
HE:
שלמא אבי בית לחם חרף אבי בית גדר:

Segment 52
HE:
ויהיו בנים לשובל אבי קרית יערים הראה חצי המנחות:

Segment 53
HE:
ומשפחות קרית יערים היתרי והפותי והשמתי והמשרעי מאלה יצאו הצרעתי והאשתאלי: (ס)

Segment 54
HE:
בני שלמא בית לחם ונטופתי עטרות בית יואב וחצי המנחתי הצרעי:

Segment 55
HE:
ומשפחות ספרים (ישבו) ישבי יעבץ תרעתים שמעתים שוכתים המה הקינים הבאים מחמת אבי בית רכב: (ס)



# Chronicles 1 Chapter 20
URL: https://ajew.org/reader-plain/tanach-divrei-hayamim-a/1/20/

Chronicles 1 Chapter 20
דברי הימים א פרק כ
Source: https://ajew.org/reader/tanach-divrei-hayamim-a/1/20

Segment 1
HE:
ויהי לעת תשובת השנה לעת צאת המלכים וינהג יואב את חיל הצבא וישחת את ארץ בני עמון ויבא ויצר את רבה ודויד ישב בירושלם ויך יואב את רבה ויהרסה:

Segment 2
HE:
ויקח דויד את עטרת מלכם מעל ראשו וימצאה משקל ככר זהב ובה אבן יקרה ותהי על ראש דויד ושלל העיר הוציא הרבה מאד:

Segment 3
HE:
ואת העם אשר בה הוציא וישר במגרה ובחריצי הברזל ובמגרות וכן יעשה דויד לכל ערי בני עמון וישב דויד וכל העם ירושלם: (ס)

Segment 4
HE:
ויהי אחריכן ותעמד מלחמה בגזר עם פלשתים אז הכה סבכי החשתי את ספי מילדי הרפאים ויכנעו:

Segment 5
HE:
ותהי עוד מלחמה את פלשתים ויך אלחנן בן (יעור) יעיר את לחמי אחי גלית הגתי ועץ חניתו כמנור ארגים: (ס)

Segment 6
HE:
ותהי עוד מלחמה בגת ויהי איש מדה ואצבעתיו שש ושש עשרים וארבע וגם הוא נולד להרפא:

Segment 7
HE:
ויחרף את ישראל ויכהו יהונתן בן שמעא אחי דויד:

Segment 8
HE:
אל נולדו להרפא בגת ויפלו ביד דויד וביד עבדיו: (פ)



# Chronicles 1 Chapter 21
URL: https://ajew.org/reader-plain/tanach-divrei-hayamim-a/1/21/

Chronicles 1 Chapter 21
דברי הימים א פרק כא
Source: https://ajew.org/reader/tanach-divrei-hayamim-a/1/21

Segment 1
HE:
ויעמד שטן על ישראל ויסת את דויד למנות את ישראל:

Segment 2
HE:
ויאמר דויד אל יואב ואל שרי העם לכו ספרו את ישראל מבאר שבע ועד דן והביאו אלי ואדעה את מספרם:

Segment 3
HE:
ויאמר יואב יוסף יהוה על עמו כהם מאה פעמים הלא אדני המלך כלם לאדני לעבדים למה יבקש זאת אדני למה יהיה לאשמה לישראל:

Segment 4
HE:
ודבר המלך חזק על יואב ויצא יואב ויתהלך בכל ישראל ויבא ירושלם:

Segment 5
HE:
ויתן יואב את מספר מפקד העם אל דויד ויהי כל ישראל אלף אלפים ומאה אלף איש שלף חרב ויהודה ארבע מאות ושבעים אלף איש שלף חרב:

Segment 6
HE:
ולוי ובנימן לא פקד בתוכם כי נתעב דבר המלך את יואב:

Segment 7
HE:
וירע בעיני האלהים על הדבר הזה ויך את ישראל: (ס)

Segment 8
HE:
ויאמר דויד אל האלהים חטאתי מאד אשר עשיתי את הדבר הזה ועתה העבר נא את עוון עבדך כי נסכלתי מאד: (פ)

Segment 9
HE:
וידבר יהוה אל גד חזה דויד לאמר:

Segment 10
HE:
לך ודברת אל דויד לאמר כה אמר יהוה שלוש אני נטה עליך בחר לך אחת מהנה ואעשה לך:

Segment 11
HE:
ויבא גד אל דויד ויאמר לו כה אמר יהוה קבל לך:

Segment 12
HE:
אם שלוש שנים רעב ואם שלשה חדשים נספה מפני צריך וחרב אויבך למשגת ואם שלשת ימים חרב יהוה ודבר בארץ ומלאך יהוה משחית בכל גבול ישראל ועתה ראה מה אשיב את שלחי דבר: (ס)

Segment 13
HE:
ויאמר דויד אל גד צר לי מאד אפלה נא ביד יהוה כי רבים רחמיו מאד וביד אדם אל אפל:

Segment 14
HE:
ויתן יהוה דבר בישראל ויפל מישראל שבעים אלף איש:

Segment 15
HE:
וישלח האלהים מלאך לירושלם להשחיתה וכהשחית ראה יהוה וינחם על הרעה ויאמר למלאך המשחית רב עתה הרף ידך ומלאך יהוה עמד עם גרן ארנן היבוסי: (ס)

Segment 16
HE:
וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם:

Segment 17
HE:
ויאמר דויד אל האלהים הלא אני אמרתי למנות בעם ואני הוא אשר חטאתי והרע הרעותי ואלה הצאן מה עשו יהוה אלהי תהי נא ידך בי ובבית אבי ובעמך לא למגפה: (ס)

Segment 18
HE:
ומלאך יהוה אמר אל גד לאמר לדויד כי יעלה דויד להקים מזבח ליהוה בגרן ארנן היבסי:

Segment 19
HE:
ויעל דויד בדבר גד אשר דבר בשם יהוה:

Segment 20
HE:
וישב ארנן וירא את המלאך וארבעת בניו עמו מתחבאים וארנן דש חטים:

Segment 21
HE:
ויבא דויד עד ארנן ויבט ארנן וירא את דויד ויצא מן הגרן וישתחו לדויד אפים ארצה:

Segment 22
HE:
ויאמר דויד אל ארנן תנה לי מקום הגרן ואבנה בו מזבח ליהוה בכסף מלא תנהו לי ותעצר המגפה מעל העם:

Segment 23
HE:
ויאמר ארנן אל דויד קח לך ויעש אדני המלך הטוב בעיניו ראה נתתי הבקר לעלות והמורגים לעצים והחטים למנחה הכל נתתי:

Segment 24
HE:
ויאמר המלך דויד לארנן לא כי קנה אקנה בכסף מלא כי לא אשא אשר לך ליהוה והעלות עולה חנם:

Segment 25
HE:
ויתן דויד לארנן במקום שקלי זהב משקל שש מאות:

Segment 26
HE:
ויבן שם דויד מזבח ליהוה ויעל עלות ושלמים ויקרא אל יהוה ויענהו באש מן השמים על מזבח העלה: (ס)

Segment 27
HE:
ויאמר יהוה למלאך וישב חרבו אל נדנה:

Segment 28
HE:
בעת ההיא בראות דויד כי ענהו יהוה בגרן ארנן היבוסי ויזבח שם:

Segment 29
HE:
ומשכן יהוה אשר עשה משה במדבר ומזבח העולה בעת ההיא בבמה בגבעון:

Segment 30
HE:
ולא יכל דויד ללכת לפניו לדרש אלהים כי נבעת מפני חרב מלאך יהוה: (ס)



# Chronicles 1 Chapter 22
URL: https://ajew.org/reader-plain/tanach-divrei-hayamim-a/1/22/

Chronicles 1 Chapter 22
דברי הימים א פרק כב
Source: https://ajew.org/reader/tanach-divrei-hayamim-a/1/22

Segment 1
HE:
ויאמר דויד זה הוא בית יהוה האלהים וזה מזבח לעלה לישראל: (פ)

Segment 2
HE:
ויאמר דויד לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים:

Segment 3
HE:
וברזל לרב למסמרים לדלתות השערים ולמחברות הכין דויד ונחשת לרב אין משקל:

Segment 4
HE:
ועצי ארזים לאין מספר כי הביאו הצידנים והצרים עצי ארזים לרב לדויד: (פ)

Segment 5
HE:
ויאמר דויד שלמה בני נער ורך והבית לבנות ליהוה להגדיל למעלה לשם ולתפארת לכל הארצות אכינה נא לו ויכן דויד לרב לפני מותו:

Segment 6
HE:
ויקרא לשלמה בנו ויצוהו לבנות בית ליהוה אלהי ישראל: (ס)

Segment 7
HE:
ויאמר דויד לשלמה (בנו) בני אני היה עם לבבי לבנות בית לשם יהוה אלהי:

Segment 8
HE:
ויהי עלי דבר יהוה לאמר דם לרב שפכת ומלחמות גדלות עשית לא תבנה בית לשמי כי דמים רבים שפכת ארצה לפני:

Segment 9
HE:
הנה בן נולד לך הוא יהיה איש מנוחה והנחותי לו מכל אויביו מסביב כי שלמה יהיה שמו ושלום ושקט אתן על ישראל בימיו:

Segment 10
HE:
הוא יבנה בית לשמי והוא יהיה לי לבן ואני לו לאב והכינותי כסא מלכותו על ישראל עד עולם:

Segment 11
HE:
עתה בני יהי יהוה עמך והצלחת ובנית בית יהוה אלהיך כאשר דבר עליך:

Segment 12
HE:
אך יתן לך יהוה שכל ובינה ויצוך על ישראל ולשמור את תורת יהוה אלהיך:

Segment 13
HE:
אז תצליח אם תשמור לעשות את החקים ואת המשפטים אשר צוה יהוה את משה על ישראל חזק ואמץ אל תירא ואל תחת:

Segment 14
HE:
והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף:

Segment 15
HE:
ועמך לרב עשי מלאכה חצבים וחרשי אבן ועץ וכל חכם בכל מלאכה:

Segment 16
HE:
לזהב לכסף ולנחשת ולברזל אין מספר קום ועשה ויהי יהוה עמך:

Segment 17
HE:
ויצו דויד לכל שרי ישראל לעזר לשלמה בנו: (ס)

Segment 18
HE:
הלא יהוה אלהיכם עמכם והניח לכם מסביב כי נתן בידי את ישבי הארץ ונכבשה הארץ לפני יהוה ולפני עמו:

Segment 19
HE:
עתה תנו לבבכם ונפשכם לדרוש ליהוה אלהיכם וקומו ובנו את מקדש יהוה האלהים להביא את ארון ברית יהוה וכלי קדש האלהים לבית הנבנה לשם יהוה: (פ)



# Chronicles 1 Chapter 23
URL: https://ajew.org/reader-plain/tanach-divrei-hayamim-a/1/23/

Chronicles 1 Chapter 23
דברי הימים א פרק כג
Source: https://ajew.org/reader/tanach-divrei-hayamim-a/1/23

Segment 1
HE:
ודויד זקן ושבע ימים וימלך את שלמה בנו על ישראל:

Segment 2
HE:
ויאסף את כל שרי ישראל והכהנים והלוים:

Segment 3
HE:
ויספרו הלוים מבן שלשים שנה ומעלה ויהי מספרם לגלגלתם לגברים שלשים ושמונה אלף:

Segment 4
HE:
מאלה לנצח על מלאכת בית יהוה עשרים וארבעה אלף ושטרים ושפטים ששת אלפים:

Segment 5
HE:
וארבעת אלפים שערים וארבעת אלפים מהללים ליהוה בכלים אשר עשיתי להלל: (ס)

Segment 6
HE:
ויחלקם דויד מחלקות (ס) לבני לוי לגרשון קהת ומררי: (ס)

Segment 7
HE:
לגרשני לעדן ושמעי: (ס)

Segment 8
HE:
בני לעדן הראש יחיאל וזתם ויואל שלשה: (ס)

Segment 9
HE:
בני שמעי (שלמות) שלומית וחזיאל והרן שלשה אלה ראשי האבות ללעדן: (ס)

Segment 10
HE:
ובני שמעי יחת זינא ויעוש ובריעה אלה בני שמעי ארבעה:

Segment 11
HE:
ויהי יחת הראש וזיזה השני ויעוש ובריעה לא הרבו בנים ויהיו לבית אב לפקדה אחת: (ס)

Segment 12
HE:
בני קהת עמרם יצהר חברון ועזיאל ארבעה: (ס)

Segment 13
HE:
בני עמרם אהרן ומשה ויבדל אהרן להקדישו קדש קדשים הוא ובניו עד עולם להקטיר לפני יהוה לשרתו ולברך בשמו עד עולם:

Segment 14
HE:
ומשה איש האלהים בניו יקראו על שבט הלוי: (ס)

Segment 15
HE:
בני משה גרשם ואליעזר:

Segment 16
HE:
בני גרשום שבואל הראש:

Segment 17
HE:
ויהיו בני אליעזר רחביה הראש ולא היה לאליעזר בנים אחרים ובני רחביה רבו למעלה: (ס)

Segment 18
HE:
בני יצהר שלמית הראש:

Segment 19
HE:
בני חברון יריהו הראש אמריה השני יחזיאל השלישי ויקמעם הרביעי:

Segment 20
HE:
בני עזיאל מיכה הראש וישיה השני:

Segment 21
HE:
בני מררי מחלי ומושי בני מחלי אלעזר וקיש:

Segment 22
HE:
וימת אלעזר ולא היו לו בנים כי אם בנות וישאום בני קיש אחיהם:

Segment 23
HE:
בני מושי מחלי ועדר וירמות שלשה: (ס)

Segment 24
HE:
אלה בני לוי לבית אבתיהם ראשי האבות לפקודיהם במספר שמות לגלגלתם עשה המלאכה לעבדת בית יהוה מבן עשרים שנה ומעלה:

Segment 25
HE:
כי אמר דויד הניח יהוה אלהי ישראל לעמו וישכן בירושלם עד לעולם:

Segment 26
HE:
וגם ללוים אין לשאת את המשכן ואת כל כליו לעבדתו:

Segment 27
HE:
כי בדברי דויד האחרנים המה מספר בני לוי מבן עשרים שנה ולמעלה:

Segment 28
HE:
כי מעמדם ליד בני אהרן לעבדת בית יהוה על החצרות ועל הלשכות ועל טהרת לכל קדש ומעשה עבדת בית האלהים:

Segment 29
HE:
וללחם המערכת ולסלת למנחה ולרקיקי המצות ולמחבת ולמרבכת ולכל משורה ומדה:

Segment 30
HE:
ולעמד בבקר בבקר להדות ולהלל ליהוה וכן לערב:

Segment 31
HE:
ולכל העלות עלות ליהוה לשבתות לחדשים ולמעדים במספר כמשפט עליהם תמיד לפני יהוה:

Segment 32
HE:
ושמרו את משמרת אהל מועד ואת משמרת הקדש ומשמרת בני אהרן אחיהם לעבדת בית יהוה: (פ)



# Chronicles 1 Chapter 24
URL: https://ajew.org/reader-plain/tanach-divrei-hayamim-a/1/24/

Chronicles 1 Chapter 24
דברי הימים א פרק כד
Source: https://ajew.org/reader/tanach-divrei-hayamim-a/1/24

Segment 1
HE:
ולבני אהרן מחלקותם בני אהרן נדב ואביהוא אלעזר ואיתמר:

Segment 2
HE:
וימת נדב ואביהוא לפני אביהם ובנים לא היו להם ויכהנו אלעזר ואיתמר:

Segment 3
HE:
ויחלקם דויד וצדוק מן בני אלעזר ואחימלך מן בני איתמר לפקדתם בעבדתם:

Segment 4
HE:
וימצאו בני אלעזר רבים לראשי הגברים מן בני איתמר ויחלקום לבני אלעזר ראשים לבית אבות ששה עשר ולבני איתמר לבית אבותם שמונה:

Segment 5
HE:
ויחלקום בגורלות אלה עם אלה כי היו שרי קדש ושרי האלהים מבני אלעזר ובבני איתמר: (ס)

Segment 6
HE:
ויכתבם שמעיה בן נתנאל הסופר מן הלוי לפני המלך והשרים וצדוק הכהן ואחימלך בן אביתר וראשי האבות לכהנים וללוים בית אב אחד אחז לאלעזר ואחז אחז לאיתמר: (פ)

Segment 7
HE:
ויצא הגורל הראשון ליהויריב (ס) לידעיה השני: (ס)

Segment 8
HE:
לחרם השלישי (ס) לשערים הרבעי: (ס)

Segment 9
HE:
למלכיה החמישי (ס) למימן הששי: (ס)

Segment 10
HE:
להקוץ השבעי (ס) לאביה השמיני: (ס)

Segment 11
HE:
לישוע התשעי (ס) לשכניהו העשרי: (ס)

Segment 12
HE:
לאלישיב עשתי (ס) עשר ליקים שנים עשר: (ס)

Segment 13
HE:
לחפה שלשה (ס) עשר לישבאב ארבעה עשר: (ס)

Segment 14
HE:
לבלגה חמשה עשר (ס) לאמר ששה עשר: (ס)

Segment 15
HE:
לחזיר שבעה עשר (ס) להפצץ שמונה עשר: (ס)

Segment 16
HE:
לפתחיה תשעה עשר (ס) ליחזקאל העשרים: (ס)

Segment 17
HE:
ליכין אחד ועשרים (ס) לגמול שנים ועשרים: (ס)

Segment 18
HE:
לדליהו שלשה ועשרים (ס) למעזיהו ארבעה ועשרים: (ס) (פ)

Segment 19
HE:
אלה פקדתם לעבדתם לבוא לבית יהוה כמשפטם ביד אהרן אביהם כאשר צוהו יהוה אלהי ישראל: (פ)

Segment 20
HE:
ולבני לוי הנותרים לבני עמרם שובאל לבני שובאל יחדיהו: (ס)

Segment 21
HE:
לרחביהו לבני רחביהו הראש ישיה: (ס)

Segment 22
HE:
ליצהרי שלמות לבני שלמות יחת: (ס)

Segment 23
HE:
ובני יריהו אמריהו השני יחזיאל השלישי יקמעם הרביעי: (ס)

Segment 24
HE:
בני עזיאל מיכה לבני מיכה (שמור) שמיר:

Segment 25
HE:
אחי מיכה ישיה (ס) לבני ישיה זכריהו: (ס)

Segment 26
HE:
בני מררי מחלי ומושי (ס) בני יעזיהו בנו: (ס)

Segment 27
HE:
בני מררי ליעזיהו בנו ושהם וזכור ועברי: (ס)

Segment 28
HE:
למחלי אלעזר ולא היה לו בנים: (ס)

Segment 29
HE:
לקיש בני קיש ירחמאל: (ס)

Segment 30
HE:
ובני מושי מחלי ועדר וירימות אלה בני הלוים לבית אבתיהם:

Segment 31
HE:
ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשי האבות לכהנים וללוים אבות הראש לעמת אחיו הקטן: (ס)



# Chronicles 1 Chapter 25
URL: https://ajew.org/reader-plain/tanach-divrei-hayamim-a/1/25/

Chronicles 1 Chapter 25
דברי הימים א פרק כה
Source: https://ajew.org/reader/tanach-divrei-hayamim-a/1/25

Segment 1
HE:
ויבדל דויד ושרי הצבא לעבדה לבני אסף והימן וידותון (הנביאים) הנבאים בכנרות בנבלים ובמצלתים ויהי מספרם אנשי מלאכה לעבדתם:

Segment 2
HE:
לבני אסף זכור ויוסף ונתניה ואשראלה בני אסף על יד אסף הנבא על ידי המלך:

Segment 3
HE:
לידותון בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה: (ס)

Segment 4
HE:
להימן בני הימן בקיהו מתניהו עזיאל שבואל וירימות חנניה חנני אליאתה גדלתי ורממתי עזר ישבקשה מלותי הותיר מחזיאות:

Segment 5
HE:
כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשר ובנות שלוש:

Segment 6
HE:
כל אלה על ידי אביהם בשיר בית יהוה במצלתים נבלים וכנרות לעבדת בית האלהים על ידי המלך אסף וידותון והימן:

Segment 7
HE:
ויהי מספרם עם אחיהם מלמדי שיר ליהוה כל המבין מאתים שמונים ושמונה:

Segment 8
HE:
ויפילו גורלות משמרת לעמת כקטן כגדול מבין עם תלמיד: (פ)

Segment 9
HE:
ויצא הגורל הראשון לאסף ליוסף (ס) גדליהו השני הוא ואחיו ובניו שנים עשר: (ס)

Segment 10
HE:
השלשי זכור בניו ואחיו שנים עשר: (ס)

Segment 11
HE:
הרביעי ליצרי בניו ואחיו שנים עשר: (ס)

Segment 12
HE:
החמישי נתניהו בניו ואחיו שנים עשר: (ס)

Segment 13
HE:
הששי בקיהו בניו ואחיו שנים עשר: (ס)

Segment 14
HE:
השבעי ישראלה בניו ואחיו שנים עשר: (ס)

Segment 15
HE:
השמיני ישעיהו בניו ואחיו שנים עשר: (ס)

Segment 16
HE:
התשיעי מתניהו בניו ואחיו שנים עשר: (ס)

Segment 17
HE:
העשירי שמעי בניו ואחיו שנים עשר: (ס)

Segment 18
HE:
עשתי עשר עזראל בניו ואחיו שנים עשר: (ס)

Segment 19
HE:
השנים עשר לחשביה בניו ואחיו שנים עשר: (ס)

Segment 20
HE:
לשלשה עשר שובאל בניו ואחיו שנים עשר: (ס)

Segment 21
HE:
לארבעה עשר מתתיהו בניו ואחיו שנים עשר: (ס)

Segment 22
HE:
לחמשה עשר לירמות בניו ואחיו שנים עשר: (ס)

Segment 23
HE:
לששה עשר לחנניהו בניו ואחיו שנים עשר: (ס)

Segment 24
HE:
לשבעה עשר לישבקשה בניו ואחיו שנים עשר: (ס)

Segment 25
HE:
לשמונה עשר לחנני בניו ואחיו שנים עשר: (ס)

Segment 26
HE:
לתשעה עשר למלותי בניו ואחיו שנים עשר: (ס)

Segment 27
HE:
לעשרים לאליתה בניו ואחיו שנים עשר: (ס)

Segment 28
HE:
לאחד ועשרים להותיר בניו ואחיו שנים עשר: (ס)

Segment 29
HE:
לשנים ועשרים לגדלתי בניו ואחיו שנים עשר: (ס)

Segment 30
HE:
לשלשה ועשרים למחזיאות בניו ואחיו שנים עשר: (ס)

Segment 31
HE:
לארבעה ועשרים לרוממתי עזר בניו ואחיו שנים עשר: (פ)



# Chronicles 1 Chapter 26
URL: https://ajew.org/reader-plain/tanach-divrei-hayamim-a/1/26/

Chronicles 1 Chapter 26
דברי הימים א פרק כו
Source: https://ajew.org/reader/tanach-divrei-hayamim-a/1/26

Segment 1
HE:
למחלקות לשערים לקרחים משלמיהו בן קרא מן בני אסף:

Segment 2
HE:
ולמשלמיהו בנים זכריהו הבכור ידיעאל השני זבדיהו השלישי יתניאל הרביעי:

Segment 3
HE:
עילם החמישי יהוחנן הששי אליהועיני השביעי:

Segment 4
HE:
ולעבד אדם בנים שמעיה הבכור יהוזבד השני יואח השלשי ושכר הרביעי ונתנאל החמישי:

Segment 5
HE:
עמיאל הששי יששכר השביעי פעלתי השמיני כי ברכו אלהים: (ס)

Segment 6
HE:
ולשמעיה בנו נולד בנים הממשלים לבית אביהם כי גבורי חיל המה:

Segment 7
HE:
בני שמעיה עתני ורפאל ועובד אלזבד אחיו בני חיל אליהו וסמכיהו:

Segment 8
HE:
כל אלה מבני עבד אדם המה ובניהם ואחיהם איש חיל בכח לעבדה ששים ושנים לעבד אדם:

Segment 9
HE:
ולמשלמיהו בנים ואחים בני חיל שמונה עשר: (ס)

Segment 10
HE:
ולחסה מן בני מררי בנים שמרי הראש כי לא היה בכור וישימהו אביהו לראש:

Segment 11
HE:
חלקיהו השני טבליהו השלשי זכריהו הרבעי כל בנים ואחים לחסה שלשה עשר:

Segment 12
HE:
לאלה מחלקות השערים לראשי הגברים משמרות לעמת אחיהם לשרת בבית יהוה:

Segment 13
HE:
ויפילו גורלות כקטן כגדול לבית אבותם לשער ושער: (פ)

Segment 14
HE:
ויפל הגורל מזרחה לשלמיהו וזכריהו בנו יועץ בשכל הפילו גורלות ויצא גורלו צפונה:

Segment 15
HE:
לעבד אדם נגבה ולבניו בית האספים:

Segment 16
HE:
לשפים ולחסה למערב עם שער שלכת במסלה העולה משמר לעמת משמר: (ס)

Segment 17
HE:
למזרח הלוים ששה לצפונה ליום ארבעה לנגבה ליום ארבעה (ס) ולאספים שנים שנים:

Segment 18
HE:
לפרבר למערב ארבעה למסלה שנים לפרבר:

Segment 19
HE:
אלה מחלקות השערים לבני הקרחי ולבני מררי:

Segment 20
HE:
והלוים אחיה על אוצרות בית האלהים ולאצרות הקדשים: (ס)

Segment 21
HE:
בני לעדן בני הגרשני ללעדן ראשי האבות ללעדן הגרשני יחיאלי: (ס)

Segment 22
HE:
בני יחיאלי זתם ויואל אחיו על אצרות בית יהוה: (ס)

Segment 23
HE:
לעמרמי ליצהרי לחברוני לעזיאלי:

Segment 24
HE:
ושבאל בן גרשום בן משה נגיד על האצרות: (ס)

Segment 25
HE:
ואחיו לאליעזר רחביהו בנו וישעיהו בנו וירם בנו וזכרי בנו (ושלמות) ושלמית בנו:

Segment 26
HE:
הוא שלמות ואחיו על כל אצרות הקדשים אשר הקדיש דויד המלך וראשי האבות לשרי האלפים והמאות ושרי הצבא:

Segment 27
HE:
מן המלחמות ומן השלל הקדישו לחזק לבית יהוה:

Segment 28
HE:
וכל ההקדיש שמואל הראה ושאול בן קיש ואבנר בן נר ויואב בן צרויה כל המקדיש על יד שלמית ואחיו: (פ)

Segment 29
HE:
ליצהרי כנניהו ובניו למלאכה החיצונה על ישראל לשטרים ולשפטים:

Segment 30
HE:
לחברוני חשביהו ואחיו בני חיל אלף ושבע מאות על פקדת ישראל מעבר לירדן מערבה לכל מלאכת יהוה ולעבדת המלך:

Segment 31
HE:
לחברוני יריה הראש לחברוני לתלדתיו לאבות בשנת הארבעים למלכות דויד נדרשו וימצא בהם גבורי חיל ביעזיר גלעד:

Segment 32
HE:
ואחיו בני חיל אלפים ושבע מאות ראשי האבות ויפקידם דויד המלך על הראובני והגדי וחצי שבט המנשי לכל דבר האלהים ודבר המלך: (פ)



# Chronicles 1 Chapter 27
URL: https://ajew.org/reader-plain/tanach-divrei-hayamim-a/1/27/

Chronicles 1 Chapter 27
דברי הימים א פרק כז
Source: https://ajew.org/reader/tanach-divrei-hayamim-a/1/27

Segment 1
HE:
ובני ישראל למספרם ראשי האבות ושרי האלפים והמאות ושטריהם המשרתים את המלך לכל דבר המחלקות הבאה והיצאת חדש בחדש לכל חדשי השנה המחלקת האחת עשרים וארבעה אלף:

Segment 2
HE:
על המחלקת הראשונה לחדש הראשון ישבעם בן זבדיאל ועל מחלקתו עשרים וארבעה אלף: (ס)

Segment 3
HE:
מן בני פרץ הראש לכל שרי הצבאות לחדש הראשון: (ס)

Segment 4
HE:
ועל מחלקת החדש השני דודי האחוחי ומחלקתו ומקלות הנגיד ועל מחלקתו עשרים וארבעה אלף: (ס)

Segment 5
HE:
שר הצבא השלישי לחדש השלישי בניהו בן יהוידע הכהן ראש ועל מחלקתו עשרים וארבעה אלף:

Segment 6
HE:
הוא בניהו גבור השלשים ועל השלשים ומחלקתו עמיזבד בנו: (ס)

Segment 7
HE:
הרביעי לחדש הרביעי עשה אל אחי יואב וזבדיה בנו אחריו ועל מחלקתו עשרים וארבעה אלף: (ס)

Segment 8
HE:
החמישי לחדש החמישי השר שמהות היזרח ועל מחלקתו עשרים וארבעה אלף: (ס)

Segment 9
HE:
הששי לחדש הששי עירא בן עקש התקועי ועל מחלקתו עשרים וארבעה אלף: (ס)

Segment 10
HE:
השביעי לחדש השביעי חלץ הפלוני מן בני אפרים ועל מחלקתו עשרים וארבעה אלף: (ס)

Segment 11
HE:
השמיני לחדש השמיני סבכי החשתי לזרחי ועל מחלקתו עשרים וארבעה אלף: (ס)

Segment 12
HE:
התשיעי לחדש התשיעי אביעזר הענתתי (לבנימיני) לבן ימיני ועל מחלקתו עשרים וארבעה אלף: (ס)

Segment 13
HE:
העשירי לחדש העשירי מהרי הנטופתי לזרחי ועל מחלקתו עשרים וארבעה אלף: (ס)

Segment 14
HE:
עשתי עשר לעשתי עשר החדש בניה הפרעתוני מן בני אפרים ועל מחלקתו עשרים וארבעה אלף: (ס)

Segment 15
HE:
השנים עשר לשנים עשר החדש חלדי הנטופתי לעתניאל ועל מחלקתו עשרים וארבעה אלף: (פ)

Segment 16
HE:
ועל שבטי ישראל לראובני נגיד אליעזר בן זכרי (ס) לשמעוני שפטיהו בן מעכה: (ס)

Segment 17
HE:
ללוי חשביה בן קמואל לאהרן צדוק: (ס)

Segment 18
HE:
ליהודה אליהו מאחי דויד (ס) ליששכר עמרי בן מיכאל: (ס)

Segment 19
HE:
לזבולן ישמעיהו בן עבדיהו (ס) לנפתלי ירימות בן עזריאל: (ס)

Segment 20
HE:
לבני אפרים הושע בן עזזיהו לחצי שבט מנשה יואל בן פדיהו: (ס)

Segment 21
HE:
לחצי המנשה גלעדה ידו בן זכריהו (ס) לבנימן יעשיאל בן אבנר: (ס)

Segment 22
HE:
לדן עזראל בן ירחם אלה שרי שבטי ישראל:

Segment 23
HE:
ולא נשא דויד מספרם למבן עשרים שנה ולמטה כי אמר יהוה להרבות את ישראל ככוכבי השמים:

Segment 24
HE:
יואב בן צרויה החל למנות ולא כלה ויהי בזאת קצף על ישראל ולא עלה המספר במספר דברי הימים למלך דויד: (ס)

Segment 25
HE:
ועל אצרות המלך עזמות בן עדיאל (ס) ועל האצרות בשדה בערים ובכפרים ובמגדלות יהונתן בן עזיהו: (ס)

Segment 26
HE:
ועל עשי מלאכת השדה לעבדת האדמה עזרי בן כלוב: (ס)

Segment 27
HE:
ועל הכרמים שמעי הרמתי (ס) ועל שבכרמים לאצרות היין זבדי השפמי: (ס)

Segment 28
HE:
ועל הזיתים והשקמים אשר בשפלה בעל חנן הגדרי (ס) ועל אצרות השמן יועש: (ס)

Segment 29
HE:
ועל הבקר הרעים בשרון (שטרי) שרטי השרוני (ס) ועל הבקר בעמקים שפט בן עדלי: (ס)

Segment 30
HE:
ועל הגמלים אוביל הישמעלי (ס) ועל האתנות יחדיהו המרנתי: (ס)

Segment 31
HE:
ועל הצאן יזיז ההגרי כל אלה שרי הרכוש אשר למלך דויד: (ס)

Segment 32
HE:
ויהונתן דוד דויד יועץ איש מבין וסופר הוא ויחיאל בן חכמוני עם בני המלך: (ס)

Segment 33
HE:
ואחיתפל יועץ למלך וחושי הארכי רע המלך:

Segment 34
HE:
ואחרי אחיתפל יהוידע בן בניהו ואביתר ושר צבא למלך יואב: (פ)



# Chronicles 1 Chapter 28
URL: https://ajew.org/reader-plain/tanach-divrei-hayamim-a/1/28/

Chronicles 1 Chapter 28
דברי הימים א פרק כח
Source: https://ajew.org/reader/tanach-divrei-hayamim-a/1/28

Segment 1
HE:
ויקהל דויד את כל שרי ישראל שרי השבטים ושרי המחלקות המשרתים את המלך ושרי האלפים ושרי המאות ושרי כל רכוש ומקנה למלך ולבניו עם הסריסים והגבורים ולכל גבור חיל אל ירושלם:

Segment 2
HE:
ויקם דויד המלך על רגליו ויאמר שמעוני אחי ועמי אני עם לבבי לבנות בית מנוחה לארון ברית יהוה ולהדם רגלי אלהינו והכינותי לבנות:

Segment 3
HE:
והאלהים אמר לי לא תבנה בית לשמי כי איש מלחמות אתה ודמים שפכת:

Segment 4
HE:
ויבחר יהוה אלהי ישראל בי מכל בית אבי להיות למלך על ישראל לעולם כי ביהודה בחר לנגיד ובבית יהודה בית אבי ובבני אבי בי רצה להמליך על כל ישראל:

Segment 5
HE:
ומכל בני כי רבים בנים נתן לי יהוה ויבחר בשלמה בני לשבת על כסא מלכות יהוה על ישראל:

Segment 6
HE:
ויאמר לי שלמה בנך הוא יבנה ביתי וחצרותי כי בחרתי בו לי לבן ואני אהיה לו לאב:

Segment 7
HE:
והכינותי את מלכותו עד לעולם אם יחזק לעשות מצותי ומשפטי כיום הזה:

Segment 8
HE:
ועתה לעיני כל ישראל קהל יהוה ובאזני אלהינו שמרו ודרשו כל מצות יהוה אלהיכם למען תירשו את הארץ הטובה והנחלתם לבניכם אחריכם עד עולם:

Segment 9
HE:
ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד:

Segment 10
HE:
ראה עתה כי יהוה בחר בך לבנות בית למקדש חזק ועשה: (פ)

Segment 11
HE:
ויתן דויד לשלמה בנו את תבנית האולם ואת בתיו וגנזכיו ועליתיו וחדריו הפנימים ובית הכפרת:

Segment 12
HE:
ותבנית כל אשר היה ברוח עמו לחצרות בית יהוה ולכל הלשכות סביב לאצרות בית האלהים ולאצרות הקדשים:

Segment 13
HE:
ולמחלקות הכהנים והלוים ולכל מלאכת עבודת בית יהוה ולכל כלי עבודת בית יהוה:

Segment 14
HE:
לזהב במשקל לזהב לכל כלי עבודה ועבודה לכל כלי הכסף במשקל לכל כלי עבודה ועבודה:

Segment 15
HE:
ומשקל למנרות הזהב ונרתיהם זהב במשקל מנורה ומנורה ונרתיה ולמנרות הכסף במשקל למנורה ונרתיה כעבודת מנורה ומנורה:

Segment 16
HE:
ואת הזהב משקל לשלחנות המערכת לשלחן ושלחן וכסף לשלחנות הכסף:

Segment 17
HE:
והמזלגות והמזרקות והקשות זהב טהור ולכפורי הזהב במשקל לכפור וכפור ולכפורי הכסף במשקל לכפור וכפור:

Segment 18
HE:
ולמזבח הקטרת זהב מזקק במשקל ולתבנית המרכבה הכרבים זהב לפרשים וסככים על ארון ברית יהוה:

Segment 19
HE:
הכל בכתב מיד יהוה עלי השכיל כל מלאכות התבנית: (פ)

Segment 20
HE:
ויאמר דויד לשלמה בנו חזק ואמץ ועשה אל תירא ואל תחת כי יהוה אלהים אלהי עמך לא ירפך ולא יעזבך עד לכלות כל מלאכת עבודת בית יהוה:

Segment 21
HE:
והנה מחלקות הכהנים והלוים לכל עבודת בית האלהים ועמך בכל מלאכה לכל נדיב בחכמה לכל עבודה והשרים וכל העם לכל דבריך: (ס)



# Chronicles 1 Chapter 29
URL: https://ajew.org/reader-plain/tanach-divrei-hayamim-a/1/29/

Chronicles 1 Chapter 29
דברי הימים א פרק כט
Source: https://ajew.org/reader/tanach-divrei-hayamim-a/1/29

Segment 1
HE:
ויאמר דויד המלך לכל הקהל שלמה בני אחד בחר בו אלהים נער ורך והמלאכה גדולה כי לא לאדם הבירה כי ליהוה אלהים:

Segment 2
HE:
וככל כחי הכינותי לבית אלהי הזהב לזהב והכסף לכסף והנחשת לנחשת הברזל לברזל והעצים לעצים אבני שהם ומלואים אבני פוך ורקמה וכל אבן יקרה ואבני שיש לרב:

Segment 3
HE:
ועוד ברצותי בבית אלהי יש לי סגלה זהב וכסף נתתי לבית אלהי למעלה מכל הכינותי לבית הקדש:

Segment 4
HE:
שלשת אלפים ככרי זהב מזהב אופיר ושבעת אלפים ככר כסף מזקק לטוח קירות הבתים:

Segment 5
HE:
לזהב לזהב ולכסף לכסף ולכל מלאכה ביד חרשים ומי מתנדב למלאות ידו היום ליהוה:

Segment 6
HE:
ויתנדבו שרי האבות ושרי שבטי ישראל ושרי האלפים והמאות ולשרי מלאכת המלך:

Segment 7
HE:
ויתנו לעבודת בית האלהים זהב ככרים חמשת אלפים ואדרכנים רבו וכסף ככרים עשרת אלפים ונחשת רבו ושמונת אלפים ככרים וברזל מאה אלף ככרים:

Segment 8
HE:
והנמצא אתו אבנים נתנו לאוצר בית יהוה על יד יחיאל הגרשני:

Segment 9
HE:
וישמחו העם על התנדבם כי בלב שלם התנדבו ליהוה וגם דויד המלך שמח שמחה גדולה: (פ)

Segment 10
HE:
ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם:

Segment 11
HE:
לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש:

Segment 12
HE:
והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל:

Segment 13
HE:
ועתה אלהינו מודים אנחנו לך ומהללים לשם תפארתך:

Segment 14
HE:
וכי מי אני ומי עמי כי נעצר כח להתנדב כזאת כי ממך הכל ומידך נתנו לך:

Segment 15
HE:
כי גרים אנחנו לפניך ותושבים ככל אבתינו כצל ימינו על הארץ ואין מקוה:

Segment 16
HE:
יהוה אלהינו כל ההמון הזה אשר הכיננו לבנות לך בית לשם קדשך מידך (היא) הוא ולך הכל:

Segment 17
HE:
וידעתי אלהי כי אתה בחן לבב ומישרים תרצה אני בישר לבבי התנדבתי כל אלה ועתה עמך הנמצאו פה ראיתי בשמחה להתנדב לך:

Segment 18
HE:
יהוה אלהי אברהם יצחק וישראל אבתינו שמרה זאת לעולם ליצר מחשבות לבב עמך והכן לבבם אליך:

Segment 19
HE:
ולשלמה בני תן לבב שלם לשמור מצותיך עדותיך וחקיך ולעשות הכל ולבנות הבירה אשר הכינותי: (פ)

Segment 20
HE:
ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך:

Segment 21
HE:
ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשים אלף ונסכיהם וזבחים לרב לכל ישראל:

Segment 22
HE:
ויאכלו וישתו לפני יהוה ביום ההוא בשמחה גדולה וימליכו שנית לשלמה בן דויד וימשחו ליהוה לנגיד ולצדוק לכהן:

Segment 23
HE:
וישב שלמה על כסא יהוה למלך תחת דויד אביו ויצלח וישמעו אליו כל ישראל:

Segment 24
HE:
וכל השרים והגברים וגם כל בני המלך דויד נתנו יד תחת שלמה המלך:

Segment 25
HE:
ויגדל יהוה את שלמה למעלה לעיני כל ישראל ויתן עליו הוד מלכות אשר לא היה על כל מלך לפניו על ישראל: (פ)

Segment 26
HE:
ודויד בן ישי מלך על כל ישראל:

Segment 27
HE:
והימים אשר מלך על ישראל ארבעים שנה בחברון מלך שבע שנים ובירושלם מלך שלשים ושלוש:

Segment 28
HE:
וימת בשיבה טובה שבע ימים עשר וכבוד וימלך שלמה בנו תחתיו:

Segment 29
HE:
ודברי דויד המלך הראשנים והאחרנים הנם כתובים על דברי שמואל הראה ועל דברי נתן הנביא ועל דברי גד החזה:

Segment 30
HE:
עם כל מלכותו וגבורתו והעתים אשר עברו עליו ועל ישראל ועל כל ממלכות הארצות: (פפפ)



# Chronicles 1 Chapter 3
URL: https://ajew.org/reader-plain/tanach-divrei-hayamim-a/1/3/

Chronicles 1 Chapter 3
דברי הימים א פרק ג
Source: https://ajew.org/reader/tanach-divrei-hayamim-a/1/3

Segment 1
HE:
ואלה היו בני דויד אשר נולד לו בחברון הבכור אמנן לאחינעם היזרעאלית שני דניאל לאביגיל הכרמלית:

Segment 2
HE:
השלשי לאבשלום בן מעכה בת תלמי מלך גשור הרביעי אדניה בן חגית:

Segment 3
HE:
החמישי שפטיה לאביטל הששי יתרעם לעגלה אשתו:

Segment 4
HE:
ששה נולד לו בחברון וימלך שם שבע שנים וששה חדשים ושלשים ושלוש שנה מלך בירושלם: (ס)

Segment 5
HE:
ואלה נולדו לו בירושלים שמעא ושובב ונתן ושלמה ארבעה לבת שוע בת עמיאל:

Segment 6
HE:
ויבחר ואלישמע ואליפלט:

Segment 7
HE:
ונגה ונפג ויפיע:

Segment 8
HE:
ואלישמע ואלידע ואליפלט תשעה:

Segment 9
HE:
כל בני דויד מלבד בני פילגשים ותמר אחותם: (פ)

Segment 10
HE:
ובן שלמה רחבעם אביה בנו אסא בנו יהושפט בנו:

Segment 11
HE:
יורם בנו אחזיהו בנו יואש בנו:

Segment 12
HE:
אמציהו בנו עזריה בנו יותם בנו:

Segment 13
HE:
אחז בנו חזקיהו בנו מנשה בנו:

Segment 14
HE:
אמון בנו יאשיהו בנו:

Segment 15
HE:
ובני יאשיהו הבכור יוחנן השני יהויקים השלשי צדקיהו הרביעי שלום:

Segment 16
HE:
ובני יהויקים יכניה בנו צדקיה בנו:

Segment 17
HE:
ובני יכניה אסר שאלתיאל בנו:

Segment 18
HE:
ומלכירם ופדיה ושנאצר יקמיה הושמע ונדביה:

Segment 19
HE:
ובני פדיה זרבבל ושמעי ובן זרבבל משלם וחנניה ושלמית אחותם:

Segment 20
HE:
וחשבה ואהל וברכיה וחסדיה יושב חסד חמש:

Segment 21
HE:
ובן חנניה פלטיה וישעיה בני רפיה בני ארנן בני עבדיה בני שכניה:

Segment 22
HE:
ובני שכניה שמעיה ובני שמעיה חטוש ויגאל ובריח ונעריה ושפט ששה:

Segment 23
HE:
ובן נעריה אליועיני וחזקיה ועזריקם שלשה: (ס)

Segment 24
HE:
ובני אליועיני (הדיוהו) הודויהו ואלישיב ופליה ועקוב ויוחנן ודליה וענני שבעה: (ס)



# Chronicles 1 Chapter 4
URL: https://ajew.org/reader-plain/tanach-divrei-hayamim-a/1/4/

Chronicles 1 Chapter 4
דברי הימים א פרק ד
Source: https://ajew.org/reader/tanach-divrei-hayamim-a/1/4

Segment 1
HE:
בני יהודה פרץ חצרון וכרמי וחור ושובל:

Segment 2
HE:
וראיה בן שובל הוליד את יחת ויחת הליד את אחומי ואת להד אלה משפחות הצרעתי: (ס)

Segment 3
HE:
ואלה אבי עיטם יזרעאל וישמא וידבש ושם אחותם הצללפוני:

Segment 4
HE:
ופנואל אבי גדר ועזר אבי חושה אלה בני חור בכור אפרתה אבי בית לחם:

Segment 5
HE:
ולאשחור אבי תקוע היו שתי נשים חלאה ונערה:

Segment 6
HE:
ותלד לו נערה את אחזם ואת חפר ואת תימני ואת האחשתרי אלה בני נערה:

Segment 7
HE:
ובני חלאה צרת (יצחר) וצחר ואתנן:

Segment 8
HE:
וקוץ הוליד את ענוב ואת הצבבה ומשפחות אחרחל בן הרום:

Segment 9
HE:
ויהי יעבץ נכבד מאחיו ואמו קראה שמו יעבץ לאמר כי ילדתי בעצב:

Segment 10
HE:
ויקרא יעבץ לאלהי ישראל לאמר אם ברך תברכני והרבית את גבולי והיתה ידך עמי ועשית מרעה לבלתי עצבי ויבא אלהים את אשר שאל: (ס)

Segment 11
HE:
וכלוב אחי שוחה הוליד את מחיר הוא אבי אשתון:

Segment 12
HE:
ואשתון הוליד את בית רפא ואת פסח ואת תחנה אבי עיר נחש אלה אנשי רכה: (ס)

Segment 13
HE:
ובני קנז עתניאל ושריה ובני עתניאל חתת:

Segment 14
HE:
ומעונתי הוליד את עפרה ושריה הוליד את יואב אבי גיא חרשים כי חרשים היו: (פ)

Segment 15
HE:
ובני כלב בן יפנה עירו אלה ונעם ובני אלה וקנז:

Segment 16
HE:
ובני יהללאל זיף וזיפה תיריא ואשראל:

Segment 17
HE:
ובן עזרה יתר ומרד ועפר וילון ותהר את מרים ואת שמי ואת ישבח אבי אשתמע:

Segment 18
HE:
ואשתו היהדיה ילדה את ירד אבי גדור ואת חבר אבי שוכו ואת יקותיאל אבי זנוח ואלה בני בתיה בת פרעה אשר לקח מרד: (ס)

Segment 19
HE:
ובני אשת הודיה אחות נחם אבי קעילה הגרמי ואשתמע המעכתי:

Segment 20
HE:
ובני שימון אמנון ורנה בן חנן (ותולון) ותילון ובני ישעי זוחת ובן זוחת:

Segment 21
HE:
בני שלה בן יהודה ער אבי לכה ולעדה אבי מרשה ומשפחות בית עבדת הבץ לבית אשבע:

Segment 22
HE:
ויוקים ואנשי כזבא ויואש ושרף אשר בעלו למואב וישבי לחם והדברים עתיקים:

Segment 23
HE:
המה היוצרים וישבי נטעים וגדרה עם המלך במלאכתו ישבו שם: (ס)

Segment 24
HE:
בני שמעון נמואל וימין יריב זרח שאול:

Segment 25
HE:
שלם בנו מבשם בנו משמע בנו:

Segment 26
HE:
ובני משמע חמואל בנו זכור בנו שמעי בנו:

Segment 27
HE:
ולשמעי בנים ששה עשר ובנות שש ולאחיו אין בנים רבים וכל משפחתם לא הרבו עד בני יהודה: (ס)

Segment 28
HE:
וישבו בבאר שבע ומולדה וחצר שועל:

Segment 29
HE:
ובבלהה ובעצם ובתולד:

Segment 30
HE:
ובבתואל ובחרמה ובציקלג:

Segment 31
HE:
ובבית מרכבות ובחצר סוסים ובבית בראי ובשערים אלה עריהם עד מלך דויד:

Segment 32
HE:
וחצריהם עיטם ועין רמון ותכן ועשן ערים חמש:

Segment 33
HE:
וכל חצריהם אשר סביבות הערים האלה עד בעל (ס) זאת מושבתם והתיחשם להם:

Segment 34
HE:
ומשובב וימלך ויושה בן אמציה:

Segment 35
HE:
ויואל ויהוא בן יושביה בן שריה בן עשיאל:

Segment 36
HE:
ואליועיני ויעקבה וישוחיה ועשיה ועדיאל וישימאל ובניה:

Segment 37
HE:
וזיזא בן שפעי בן אלון בן ידיה בן שמרי בן שמעיה:

Segment 38
HE:
אלה הבאים בשמות נשיאים במשפחותם ובית אבותיהם פרצו לרוב:

Segment 39
HE:
וילכו למבוא גדר עד למזרח הגיא לבקש מרעה לצאנם:

Segment 40
HE:
וימצאו מרעה שמן וטוב והארץ רחבת ידים ושקטת ושלוה כי מן חם הישבים שם לפנים:

Segment 41
HE:
ויבאו אלה הכתובים בשמות בימי יחזקיהו מלך יהודה ויכו את אהליהם ואת (המעינים) המעונים אשר נמצאו שמה ויחרימם עד היום הזה וישבו תחתיהם כי מרעה לצאנם שם:

Segment 42
HE:
ומהם מן בני שמעון הלכו להר שעיר אנשים חמש מאות ופלטיה ונעריה ורפיה ועזיאל בני ישעי בראשם:

Segment 43
HE:
ויכו את שארית הפלטה לעמלק וישבו שם עד היום הזה: (פ)



# Chronicles 1 Chapter 5
URL: https://ajew.org/reader-plain/tanach-divrei-hayamim-a/1/5/

Chronicles 1 Chapter 5
דברי הימים א פרק ה
Source: https://ajew.org/reader/tanach-divrei-hayamim-a/1/5

Segment 1
HE:
ובני ראובן בכור ישראל כי הוא הבכור ובחללו יצועי אביו נתנה בכרתו לבני יוסף בן ישראל ולא להתיחש לבכרה:

Segment 2
HE:
כי יהודה גבר באחיו ולנגיד ממנו והבכרה ליוסף: (ס)

Segment 3
HE:
בני ראובן בכור ישראל חנוך ופלוא חצרון וכרמי:

Segment 4
HE:
בני יואל שמעיה בנו גוג בנו שמעי בנו:

Segment 5
HE:
מיכה בנו ראיה בנו בעל בנו:

Segment 6
HE:
בארה בנו אשר הגלה תלגת פלנאסר מלך אשר הוא נשיא לראובני:

Segment 7
HE:
ואחיו למשפחתיו בהתיחש לתלדותם הראש יעיאל וזכריהו:

Segment 8
HE:
ובלע בן עזז בן שמע בן יואל הוא יושב בערער ועד נבו ובעל מעון:

Segment 9
HE:
ולמזרח ישב עד לבוא מדברה למן הנהר פרת כי מקניהם רבו בארץ גלעד:

Segment 10
HE:
ובימי שאול עשו מלחמה עם ההגראים ויפלו בידם וישבו באהליהם על כל פני מזרח לגלעד: (ס)

Segment 11
HE:
ובני גד לנגדם ישבו בארץ הבשן עד סלכה:

Segment 12
HE:
יואל הראש ושפם המשנה ויעני ושפט בבשן:

Segment 13
HE:
ואחיהם לבית אבותיהם מיכאל ומשלם ושבע ויורי ויעכן וזיע ועבר שבעה: (ס)

Segment 14
HE:
אלה בני אביחיל בן חורי בן ירוח בן גלעד בן מיכאל בן ישישי בן יחדו בן בוז:

Segment 15
HE:
אחי בן עבדיאל בן גוני ראש לבית אבותם:

Segment 16
HE:
וישבו בגלעד בבשן ובבנתיה ובכל מגרשי שרון על תוצאותם:

Segment 17
HE:
כלם התיחשו בימי יותם מלך יהודה ובימי ירבעם מלך ישראל: (פ)

Segment 18
HE:
בני ראובן וגדי וחצי שבט מנשה מן בני חיל אנשים נשאי מגן וחרב ודרכי קשת ולמודי מלחמה ארבעים וארבעה אלף ושבע מאות וששים יצאי צבא:

Segment 19
HE:
ויעשו מלחמה עם ההגריאים ויטור ונפיש ונודב:

Segment 20
HE:
ויעזרו עליהם וינתנו בידם ההגריאים וכל שעמהם כי לאלהים זעקו במלחמה ונעתור להם כי בטחו בו:

Segment 21
HE:
וישבו מקניהם גמליהם חמשים אלף וצאן מאתים וחמשים אלף וחמורים אלפים ונפש אדם מאה אלף:

Segment 22
HE:
כי חללים רבים נפלו כי מהאלהים המלחמה וישבו תחתיהם עד הגלה: (פ)

Segment 23
HE:
ובני חצי שבט מנשה ישבו בארץ מבשן עד בעל חרמון ושניר והר חרמון המה רבו:

Segment 24
HE:
ואלה ראשי בית אבותם ועפר וישעי ואליאל ועזריאל וירמיה והודויה ויחדיאל אנשים גבורי חיל אנשי שמות ראשים לבית אבותם:

Segment 25
HE:
וימעלו באלהי אבותיהם ויזנו אחרי אלהי עמי הארץ אשר השמיד אלהים מפניהם:

Segment 26
HE:
ויער אלהי ישראל את רוח פול מלך אשור ואת רוח תלגת פלנסר מלך אשור ויגלם לראובני ולגדי ולחצי שבט מנשה ויביאם לחלח וחבור והרא ונהר גוזן עד היום הזה: (פ)

Segment 27
HE:
בני לוי גרשון קהת ומררי:

Segment 28
HE:
ובני קהת עמרם יצהר וחברון ועזיאל: (ס)

Segment 29
HE:
ובני עמרם אהרן ומשה ומרים (ס) ובני אהרן נדב ואביהוא אלעזר ואיתמר:

Segment 30
HE:
אלעזר הוליד את פינחס פינחס הליד את אבישוע:

Segment 31
HE:
ואבישוע הוליד את בקי ובקי הוליד את עזי:

Segment 32
HE:
ועזי הוליד את זרחיה וזרחיה הוליד את מריות:

Segment 33
HE:
מריות הוליד את אמריה ואמריה הוליד את אחיטוב:

Segment 34
HE:
ואחיטוב הוליד את צדוק וצדוק הוליד את אחימעץ:

Segment 35
HE:
ואחימעץ הוליד את עזריה ועזריה הוליד את יוחנן:

Segment 36
HE:
ויוחנן הוליד את עזריה הוא אשר כהן בבית אשר בנה שלמה בירושלם:

Segment 37
HE:
ויולד עזריה את אמריה ואמריה הוליד את אחיטוב:

Segment 38
HE:
ואחיטוב הוליד את צדוק וצדוק הוליד את שלום:

Segment 39
HE:
ושלום הוליד את חלקיה וחלקיה הוליד את עזריה:

Segment 40
HE:
ועזריה הוליד את שריה ושריה הוליד את יהוצדק:

Segment 41
HE:
ויהוצדק הלך בהגלות יהוה את יהודה וירושלם ביד נבכדנאצר: (פ)



# Chronicles 1 Chapter 6
URL: https://ajew.org/reader-plain/tanach-divrei-hayamim-a/1/6/

Chronicles 1 Chapter 6
דברי הימים א פרק ו
Source: https://ajew.org/reader/tanach-divrei-hayamim-a/1/6

Segment 1
HE:
בני לוי גרשם קהת ומררי:

Segment 2
HE:
ואלה שמות בני גרשום לבני ושמעי:

Segment 3
HE:
ובני קהת עמרם ויצהר וחברון ועזיאל: (ס)

Segment 4
HE:
בני מררי מחלי ומשי ואלה משפחות הלוי לאבותיהם:

Segment 5
HE:
לגרשום לבני בנו יחת בנו זמה בנו:

Segment 6
HE:
יואח בנו עדו בנו זרח בנו יאתרי בנו:

Segment 7
HE:
בני קהת עמינדב בנו קרח בנו אסיר בנו:

Segment 8
HE:
אלקנה בנו ואביסף בנו ואסיר בנו:

Segment 9
HE:
תחת בנו אוריאל בנו עזיה בנו ושאול בנו:

Segment 10
HE:
ובני אלקנה עמשי ואחימות:

Segment 11
HE:
אלקנה (בנו) בני אלקנה צופי בנו ונחת בנו:

Segment 12
HE:
אליאב בנו ירחם בנו אלקנה בנו:

Segment 13
HE:
ובני שמואל הבכר ושני ואביה: (ס)

Segment 14
HE:
בני מררי מחלי לבני בנו שמעי בנו עזה בנו:

Segment 15
HE:
שמעא בנו חגיה בנו עשיה בנו: (פ)

Segment 16
HE:
ואלה אשר העמיד דויד על ידי שיר בית יהוה ממנוח הארון:

Segment 17
HE:
ויהיו משרתים לפני משכן אהל מועד בשיר עד בנות שלמה את בית יהוה בירושלם ויעמדו כמשפטם על עבודתם:

Segment 18
HE:
ואלה העמדים ובניהם מבני הקהתי הימן המשורר בן יואל בן שמואל:

Segment 19
HE:
בן אלקנה בן ירחם בן אליאל בן תוח:

Segment 20
HE:
בן (ציף) צוף בן אלקנה בן מחת בן עמשי:

Segment 21
HE:
בן אלקנה בן יואל בן עזריה בן צפניה:

Segment 22
HE:
בן תחת בן אסיר בן אביסף בן קרח:

Segment 23
HE:
בן יצהר בן קהת בן לוי בן ישראל: (ס)

Segment 24
HE:
ואחיו אסף העמד על ימינו אסף בן ברכיהו בן שמעא:

Segment 25
HE:
בן מיכאל בן בעשיה בן מלכיה:

Segment 26
HE:
בן אתני בן זרח בן עדיה:

Segment 27
HE:
בן איתן בן זמה בן שמעי:

Segment 28
HE:
בן יחת בן גרשם בן לוי: (ס)

Segment 29
HE:
ובני מררי אחיהם על השמאול איתן בן קישי בן עבדי בן מלוך:

Segment 30
HE:
בן חשביה בן אמציה בן חלקיה:

Segment 31
HE:
בן אמצי בן בני בן שמר:

Segment 32
HE:
בן מחלי בן מושי בן מררי בן לוי: (ס)

Segment 33
HE:
ואחיהם הלוים נתונים לכל עבודת משכן בית האלהים:

Segment 34
HE:
ואהרן ובניו מקטירים על מזבח העולה ועל מזבח הקטרת לכל מלאכת קדש הקדשים ולכפר על ישראל ככל אשר צוה משה עבד האלהים: (פ)

Segment 35
HE:
ואלה בני אהרן אלעזר בנו פינחס בנו אבישוע בנו:

Segment 36
HE:
בקי בנו עזי בנו זרחיה בנו:

Segment 37
HE:
מריות בנו אמריה בנו אחיטוב בנו:

Segment 38
HE:
צדוק בנו אחימעץ בנו: (ס)

Segment 39
HE:
ואלה מושבותם לטירותם בגבולם לבני אהרן למשפחת הקהתי כי להם היה הגורל:

Segment 40
HE:
ויתנו להם את חברון בארץ יהודה ואת מגרשיה סביבתיה:

Segment 41
HE:
ואת שדה העיר ואת חצריה נתנו לכלב בן יפנה: (ס)

Segment 42
HE:
ולבני אהרן נתנו את ערי המקלט את חברון ואת לבנה ואת מגרשיה ואת יתר ואת אשתמע ואת מגרשיה:

Segment 43
HE:
ואת חילז ואת מגרשיה את דביר ואת מגרשיה:

Segment 44
HE:
ואת עשן ואת מגרשיה ואת בית שמש ואת מגרשיה: (ס)

Segment 45
HE:
וממטה בנימן את גבע ואת מגרשיה ואת עלמת ואת מגרשיה ואת ענתות ואת מגרשיה כל עריהם שלש עשרה עיר במשפחותיהם: (ס)

Segment 46
HE:
ולבני קהת הנותרים ממשפחת המטה ממחצית מטה חצי מנשה בגורל ערים עשר: (פ)

Segment 47
HE:
ולבני גרשום למשפחותם ממטה יששכר וממטה אשר וממטה נפתלי וממטה מנשה בבשן ערים שלש עשרה: (ס)

Segment 48
HE:
לבני מררי למשפחותם ממטה ראובן וממטה גד וממטה זבולן בגורל ערים שתים עשרה: (ס)

Segment 49
HE:
ויתנו בני ישראל ללוים את הערים ואת מגרשיהם:

Segment 50
HE:
ויתנו בגורל ממטה בני יהודה וממטה בני שמעון וממטה בני בנימן את הערים האלה אשר יקראו אתהם בשמות: (ס)

Segment 51
HE:
וממשפחות בני קהת ויהי ערי גבולם ממטה אפרים:

Segment 52
HE:
ויתנו להם את ערי המקלט את שכם ואת מגרשיה בהר אפרים ואת גזר ואת מגרשיה:

Segment 53
HE:
ואת יקמעם ואת מגרשיה ואת בית חורון ואת מגרשיה:

Segment 54
HE:
ואת אילון ואת מגרשיה ואת גת רמון ואת מגרשיה:

Segment 55
HE:
וממחצית מטה מנשה את ענר ואת מגרשיה ואת בלעם ואת מגרשיה למשפחת לבני קהת הנותרים: (פ)

Segment 56
HE:
לבני גרשום ממשפחת חצי מטה מנשה את גולן בבשן ואת מגרשיה ואת עשתרות ואת מגרשיה:

Segment 57
HE:
וממטה יששכר את קדש ואת מגרשיה את דברת ואת מגרשיה:

Segment 58
HE:
ואת ראמות ואת מגרשיה ואת ענם ואת מגרשיה: (ס)

Segment 59
HE:
וממטה אשר את משל ואת מגרשיה ואת עבדון ואת מגרשיה:

Segment 60
HE:
ואת חוקק ואת מגרשיה ואת רחב ואת מגרשיה: (ס)

Segment 61
HE:
וממטה נפתלי את קדש בגליל ואת מגרשיה ואת חמון ואת מגרשיה ואת קריתים ואת מגרשיה: (ס)

Segment 62
HE:
לבני מררי הנותרים ממטה זבולן את רמונו ואת מגרשיה את תבור ואת מגרשיה:

Segment 63
HE:
ומעבר לירדן ירחו למזרח הירדן ממטה ראובן את בצר במדבר ואת מגרשיה ואת יהצה ואת מגרשיה:

Segment 64
HE:
ואת קדמות ואת מגרשיה ואת מיפעת ואת מגרשיה:

Segment 65
HE:
וממטה גד את ראמות בגלעד ואת מגרשיה ואת מחנים ואת מגרשיה:

Segment 66
HE:
ואת חשבון ואת מגרשיה ואת יעזיר ואת מגרשיה: (ס)



# Chronicles 1 Chapter 7
URL: https://ajew.org/reader-plain/tanach-divrei-hayamim-a/1/7/

Chronicles 1 Chapter 7
דברי הימים א פרק ז
Source: https://ajew.org/reader/tanach-divrei-hayamim-a/1/7

Segment 1
HE:
ולבני יששכר תולע ופואה (ישיב) ישוב ושמרון ארבעה: (ס)

Segment 2
HE:
ובני תולע עזי ורפיה ויריאל ויחמי ויבשם ושמואל ראשים לבית אבותם לתולע גבורי חיל לתלדותם מספרם בימי דויד עשרים ושנים אלף ושש מאות: (ס)

Segment 3
HE:
ובני עזי יזרחיה ובני יזרחיה מיכאל ועבדיה ויואל ישיה חמשה ראשים כלם:

Segment 4
HE:
ועליהם לתלדותם לבית אבותם גדודי צבא מלחמה שלשים וששה אלף כי הרבו נשים ובנים:

Segment 5
HE:
ואחיהם לכל משפחות יששכר גבורי חילים שמונים ושבעה אלף התיחשם לכל: (ס)

Segment 6
HE:
בנימן בלע ובכר וידיעאל שלשה:

Segment 7
HE:
ובני בלע אצבון ועזי ועזיאל וירימות ועירי חמשה ראשי בית אבות גבורי חילים והתיחשם עשרים ושנים אלף ושלשים וארבעה:

Segment 8
HE:
ובני בכר זמירה ויועש ואליעזר ואליועיני ועמרי וירמות ואביה וענתות ועלמת כל אלה בני בכר:

Segment 9
HE:
והתיחשם לתלדותם ראשי בית אבותם גבורי חיל עשרים אלף ומאתים:

Segment 10
HE:
ובני ידיעאל בלהן ובני בלהן (יעיש) יעוש ובנימן ואהוד וכנענה וזיתן ותרשיש ואחישחר:

Segment 11
HE:
כל אלה בני ידיעאל לראשי האבות גבורי חילים שבעה עשר אלף ומאתים יצאי צבא למלחמה:

Segment 12
HE:
ושפם וחפם בני עיר חשם בני אחר:

Segment 13
HE:
בני נפתלי יחציאל וגוני ויצר ושלום בני בלהה: (פ)

Segment 14
HE:
בני מנשה אשריאל אשר ילדה פילגשו הארמיה ילדה את מכיר אבי גלעד:

Segment 15
HE:
ומכיר לקח אשה לחפים ולשפים ושם אחתו מעכה ושם השני צלפחד ותהינה לצלפחד בנות:

Segment 16
HE:
ותלד מעכה אשת מכיר בן ותקרא שמו פרש ושם אחיו שרש ובניו אולם ורקם:

Segment 17
HE:
ובני אולם בדן אלה בני גלעד בן מכיר בן מנשה:

Segment 18
HE:
ואחתו המלכת ילדה את אישהוד ואת אביעזר ואת מחלה:

Segment 19
HE:
ויהיו בני שמידע אחין ושכם ולקחי ואניעם: (פ)

Segment 20
HE:
ובני אפרים שותלח וברד בנו ותחת בנו ואלעדה בנו ותחת בנו:

Segment 21
HE:
וזבד בנו ושותלח בנו ועזר ואלעד והרגום אנשי גת הנולדים בארץ כי ירדו לקחת את מקניהם:

Segment 22
HE:
ויתאבל אפרים אביהם ימים רבים ויבאו אחיו לנחמו:

Segment 23
HE:
ויבא אל אשתו ותהר ותלד בן ויקרא את שמו בריעה כי ברעה היתה בביתו:

Segment 24
HE:
ובתו שארה ותבן את בית חורון התחתון ואת העליון ואת אזן שארה:

Segment 25
HE:
ורפח בנו ורשף ותלח בנו ותחן בנו:

Segment 26
HE:
לעדן בנו עמיהוד בנו אלישמע בנו:

Segment 27
HE:
נון בנו יהושע בנו:

Segment 28
HE:
ואחזתם ומשבותם בית אל ובנתיה ולמזרח נערן ולמערב גזר ובנתיה ושכם ובנתיה עד עיה ובנתיה:

Segment 29
HE:
ועל ידי בני מנשה בית שאן ובנתיה תענך ובנתיה מגדו ובנותיה דור ובנותיה באלה ישבו בני יוסף בן ישראל: (פ)

Segment 30
HE:
בני אשר ימנה וישוה וישוי ובריעה ושרח אחותם:

Segment 31
HE:
ובני בריעה חבר ומלכיאל הוא אבי (ברזות) ברזית:

Segment 32
HE:
וחבר הוליד את יפלט ואת שומר ואת חותם ואת שועא אחותם:

Segment 33
HE:
ובני יפלט פסך ובמהל ועשות אלה בני יפלט:

Segment 34
HE:
ובני שמר אחי (ורוהגה) ורהגה (יחבה) וחבה וארם:

Segment 35
HE:
ובן הלם אחיו צופח וימנע ושלש ועמל:

Segment 36
HE:
בני צופח סוח וחרנפר ושועל וברי וימרה:

Segment 37
HE:
בצר והוד ושמא ושלשה ויתרן ובארא:

Segment 38
HE:
ובני יתר יפנה ופספה וארא:

Segment 39
HE:
ובני עלא ארח וחניאל ורציא:

Segment 40
HE:
כל אלה בני אשר ראשי בית האבות ברורים גבורי חילים ראשי הנשיאים והתיחשם בצבא במלחמה מספרם אנשים עשרים וששה אלף: (ס)



# Chronicles 1 Chapter 8
URL: https://ajew.org/reader-plain/tanach-divrei-hayamim-a/1/8/

Chronicles 1 Chapter 8
דברי הימים א פרק ח
Source: https://ajew.org/reader/tanach-divrei-hayamim-a/1/8

Segment 1
HE:
ובנימן הוליד את בלע בכרו אשבל השני ואחרח השלישי:

Segment 2
HE:
נוחה הרביעי ורפא החמישי:

Segment 3
HE:
ויהיו בנים לבלע אדר וגרא ואביהוד:

Segment 4
HE:
ואבישוע ונעמן ואחוח:

Segment 5
HE:
וגרא ושפופן וחורם:

Segment 6
HE:
ואלה בני אחוד אלה הם ראשי אבות ליושבי גבע ויגלום אל מנחת:

Segment 7
HE:
ונעמן ואחיה וגרא הוא הגלם והוליד את עזא ואת אחיחד:

Segment 8
HE:
ושחרים הוליד בשדה מואב מן שלחו אתם חושים ואת בערא נשיו:

Segment 9
HE:
ויולד מן חדש אשתו את יובב ואת צביא ואת מישא ואת מלכם:

Segment 10
HE:
ואת יעוץ ואת שכיה ואת מרמה אלה בניו ראשי אבות:

Segment 11
HE:
ומחשים הוליד את אביטוב ואת אלפעל:

Segment 12
HE:
ובני אלפעל עבר ומשעם ושמד הוא בנה את אונו ואת לד ובנתיה:

Segment 13
HE:
וברעה ושמע המה ראשי האבות ליושבי אילון המה הבריחו את יושבי גת:

Segment 14
HE:
ואחיו ששק וירמות:

Segment 15
HE:
וזבדיה וערד ועדר:

Segment 16
HE:
ומיכאל וישפה ויוחא בני בריעה:

Segment 17
HE:
וזבדיה ומשלם וחזקי וחבר:

Segment 18
HE:
וישמרי ויזליאה ויובב בני אלפעל:

Segment 19
HE:
ויקים וזכרי וזבדי:

Segment 20
HE:
ואליעני וצלתי ואליאל:

Segment 21
HE:
ועדיה ובראיה ושמרת בני שמעי:

Segment 22
HE:
וישפן ועבר ואליאל:

Segment 23
HE:
ועבדון וזכרי וחנן:

Segment 24
HE:
וחנניה ועילם וענתתיה:

Segment 25
HE:
ויפדיה (ופניאל) ופנואל בני ששק:

Segment 26
HE:
ושמשרי ושחריה ועתליה:

Segment 27
HE:
ויערשיה ואליה וזכרי בני ירחם:

Segment 28
HE:
אלה ראשי אבות לתלדותם ראשים אלה ישבו בירושלם:

Segment 29
HE:
ובגבעון ישבו אבי גבעון ושם אשתו מעכה:

Segment 30
HE:
ובנו הבכור עבדון וצור וקיש ובעל ונדב:

Segment 31
HE:
וגדור ואחיו וזכר:

Segment 32
HE:
ומקלות הוליד את שמאה ואף המה נגד אחיהם ישבו בירושלם עם אחיהם: (ס)

Segment 33
HE:
ונר הוליד את קיש וקיש הוליד את שאול ושאול הוליד את יהונתן ואת מלכי שוע ואת אבינדב ואת אשבעל:

Segment 34
HE:
ובן יהונתן מריב בעל ומריב בעל הוליד את מיכה:

Segment 35
HE:
ובני מיכה פיתון ומלך ותארע ואחז:

Segment 36
HE:
ואחז הוליד את יהועדה ויהועדה הוליד את עלמת ואת עזמות ואת זמרי וזמרי הוליד את מוצא:

Segment 37
HE:
ומוצא הוליד את בנעא רפה בנו אלעשה בנו אצל בנו:

Segment 38
HE:
ולאצל ששה בנים ואלה שמותם עזריקם בכרו וישמעאל ושעריה ועבדיה וחנן כל אלה בני אצל:

Segment 39
HE:
ובני עשק אחיו אולם בכרו יעוש השני ואליפלט השלשי:

Segment 40
HE:
ויהיו בני אולם אנשים גברי חיל דרכי קשת ומרבים בנים ובני בנים מאה וחמשים כל אלה מבני בנימן: (פ)



# Chronicles 1 Chapter 9
URL: https://ajew.org/reader-plain/tanach-divrei-hayamim-a/1/9/

Chronicles 1 Chapter 9
דברי הימים א פרק ט
Source: https://ajew.org/reader/tanach-divrei-hayamim-a/1/9

Segment 1
HE:
וכל ישראל התיחשו והנם כתובים על ספר מלכי ישראל ויהודה הגלו לבבל במעלם: (ס)

Segment 2
HE:
והיושבים הראשנים אשר באחזתם בעריהם ישראל הכהנים הלוים והנתינים:

Segment 3
HE:
ובירושלם ישבו מן בני יהודה ומן בני בנימן ומן בני אפרים ומנשה:

Segment 4
HE:
עותי בן עמיהוד בן עמרי בן אמרי בן (בנימן) בני מן בני פרץ בן יהודה: (ס)

Segment 5
HE:
ומן השילוני עשיה הבכור ובניו:

Segment 6
HE:
ומן בני זרח יעואל ואחיהם שש מאות ותשעים:

Segment 7
HE:
ומן בני בנימן סלוא בן משלם בן הודויה בן הסנאה:

Segment 8
HE:
ויבניה בן ירחם ואלה בן עזי בן מכרי ומשלם בן שפטיה בן רעואל בן יבניה:

Segment 9
HE:
ואחיהם לתלדותם תשע מאות וחמשים וששה כל אלה אנשים ראשי אבות לבית אבתיהם: (ס)

Segment 10
HE:
ומן הכהנים ידעיה ויהויריב ויכין:

Segment 11
HE:
ועזריה בן חלקיה בן משלם בן צדוק בן מריות בן אחיטוב נגיד בית האלהים: (ס)

Segment 12
HE:
ועדיה בן ירחם בן פשחור בן מלכיה ומעשי בן עדיאל בן יחזרה בן משלם בן משלמית בן אמר:

Segment 13
HE:
ואחיהם ראשים לבית אבותם אלף ושבע מאות וששים גבורי חיל מלאכת עבודת בית האלהים:

Segment 14
HE:
ומן הלוים שמעיה בן חשוב בן עזריקם בן חשביה מן בני מררי:

Segment 15
HE:
ובקבקר חרש וגלל ומתניה בן מיכא בן זכרי בן אסף:

Segment 16
HE:
ועבדיה בן שמעיה בן גלל בן ידותון וברכיה בן אסא בן אלקנה היושב בחצרי נטופתי:

Segment 17
HE:
והשערים שלום ועקוב וטלמן ואחימן ואחיהם שלום הראש:

Segment 18
HE:
ועד הנה בשער המלך מזרחה המה השערים למחנות בני לוי:

Segment 19
HE:
ושלום בן קורא בן אביסף בן קרח ואחיו לבית אביו הקרחים על מלאכת העבודה שמרי הספים לאהל ואבתיהם על מחנה יהוה שמרי המבוא:

Segment 20
HE:
ופינחס בן אלעזר נגיד היה עליהם לפנים יהוה עמו:

Segment 21
HE:
זכריה בן משלמיה שער פתח לאהל מועד:

Segment 22
HE:
כלם הברורים לשערים בספים מאתים ושנים עשר המה בחצריהם התיחשם המה יסד דויד ושמואל הראה באמונתם:

Segment 23
HE:
והם ובניהם על השערים לבית יהוה לבית האהל למשמרות:

Segment 24
HE:
לארבע רוחות יהיו השערים מזרח ימה צפונה ונגבה:

Segment 25
HE:
ואחיהם בחצריהם לבוא לשבעת הימים מעת אל עת עם אלה:

Segment 26
HE:
כי באמונה המה ארבעת גברי השערים הם הלוים והיו על הלשכות ועל האצרות בית האלהים:

Segment 27
HE:
וסביבות בית האלהים ילינו כי עליהם משמרת והם על המפתח ולבקר לבקר:

Segment 28
HE:
ומהם על כלי העבודה כי במספר יביאום ובמספר יוציאום:

Segment 29
HE:
ומהם ממנים על הכלים ועל כל כלי הקדש ועל הסלת והיין והשמן והלבונה והבשמים:

Segment 30
HE:
ומן בני הכהנים רקחי המרקחת לבשמים:

Segment 31
HE:
ומתתיה מן הלוים הוא הבכור לשלם הקרחי באמונה על מעשה החבתים:

Segment 32
HE:
ומן בני הקהתי מן אחיהם על לחם המערכת להכין שבת שבת:

Segment 33
HE:
ואלה המשררים ראשי אבות ללוים בלשכת (פטירים) פטורים כי יומם ולילה עליהם במלאכה:

Segment 34
HE:
אלה ראשי האבות ללוים לתלדותם ראשים אלה ישבו בירושלם: (ס)

Segment 35
HE:
ובגבעון ישבו אבי גבעון (יעואל) יעיאל ושם אשתו מעכה:

Segment 36
HE:
ובנו הבכור עבדון וצור וקיש ובעל ונר ונדב:

Segment 37
HE:
וגדור ואחיו וזכריה ומקלות:

Segment 38
HE:
ומקלות הוליד את שמאם ואף הם נגד אחיהם ישבו בירושלם עם אחיהם: (ס)

Segment 39
HE:
ונר הוליד את קיש וקיש הוליד את שאול ושאול הוליד את יהונתן ואת מלכי שוע ואת אבינדב ואת אשבעל:

Segment 40
HE:
ובן יהונתן מריב בעל ומרי בעל הוליד את מיכה:

Segment 41
HE:
ובני מיכה פיתון ומלך ותחרע:

Segment 42
HE:
ואחז הוליד את יערה ויערה הוליד את עלמת ואת עזמות ואת זמרי וזמרי הוליד את מוצא:

Segment 43
HE:
ומוצא הוליד את בנעא ורפיה בנו אלעשה בנו אצל בנו:

Segment 44
HE:
ולאצל ששה בנים ואלה שמותם עזריקם בכרו וישמעאל ושעריה ועבדיה וחנן אלה בני אצל: (פ)