Segment 1
הללויה אודה יהוה בכל לבב בסוד ישרים ועדה:
Segment 2
גדלים מעשי יהוה דרושים לכל חפציהם:
Segment 3
הוד והדר פעלו וצדקתו עמדת לעד:
Segment 4
זכר עשה לנפלאתיו חנון ורחום יהוה:
Segment 5
טרף נתן ליראיו יזכר לעולם בריתו:
Segment 6
כח מעשיו הגיד לעמו לתת להם נחלת גוים:
Segment 7
מעשי ידיו אמת ומשפט נאמנים כל פקודיו:
Segment 8
סמוכים לעד לעולם עשוים באמת וישר:
Segment 9
פדות שלח לעמו צוה לעולם בריתו קדוש ונורא שמו:
Segment 10
ראשית חכמה יראת יהוה שכל טוב לכל עשיהם תהלתו עמדת לעד: (פ)