Psalms Chapter 28
תהלים פרק כח
Source: https://ajew.org/reader/tanach-tehillim/1/28

Segment 1
HE:
לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור:

Segment 2
HE:
שמע קול תחנוני בשועי אליך בנשאי ידי אל דביר קדשך:

Segment 3
HE:
אל תמשכני עם רשעים ועם פעלי און דברי שלום עם רעיהם ורעה בלבבם:

Segment 4
HE:
תן להם כפעלם וכרע מעלליהם כמעשה ידיהם תן להם השב גמולם להם:

Segment 5
HE:
כי לא יבינו אל פעלת יהוה ואל מעשה ידיו יהרסם ולא יבנם:

Segment 6
HE:
ברוך יהוה כי שמע קול תחנוני:

Segment 7
HE:
יהוה עזי ומגני בו בטח לבי ונעזרתי ויעלז לבי ומשירי אהודנו:

Segment 8
HE:
יהוה עז למו ומעוז ישועות משיחו הוא:

Segment 9
HE:
הושיעה את עמך וברך את נחלתך ורעם ונשאם עד העולם: (פ)