Ezekiel Chapter 15
יחזקאל פרק טו
Source: https://ajew.org/reader/tanach-yechezkel/1/15

Segment 1
HE:
ויהי דבר יהוה אלי לאמר:

Segment 2
HE:
בן אדם מה יהיה עץ הגפן מכל עץ הזמורה אשר היה בעצי היער:

Segment 3
HE:
היקח ממנו עץ לעשות למלאכה אם יקחו ממנו יתד לתלות עליו כל כלי:

Segment 4
HE:
הנה לאש נתן לאכלה את שני קצותיו אכלה האש ותוכו נחר היצלח למלאכה:

Segment 5
HE:
הנה בהיותו תמים לא יעשה למלאכה אף כי אש אכלתהו ויחר ונעשה עוד למלאכה: (ס)

Segment 6
HE:
לכן כה אמר אדני יהוה כאשר עץ הגפן בעץ היער אשר נתתיו לאש לאכלה כן נתתי את ישבי ירושלם:

Segment 7
HE:
ונתתי את פני בהם מהאש יצאו והאש תאכלם וידעתם כי אני יהוה בשומי את פני בהם:

Segment 8
HE:
ונתתי את הארץ שממה יען מעלו מעל נאם אדני יהוה: (פ)