Segment 1
והיה אחרי כן אשפוך את רוחי על כל בשר ונבאו בניכם ובנותיכם זקניכם חלמות יחלמון בחוריכם חזינות יראו:
Segment 2
וגם על העבדים ועל השפחות בימים ההמה אשפוך את רוחי:
Segment 3
ונתתי מופתים בשמים ובארץ דם ואש ותימרות עשן:
Segment 4
השמש יהפך לחשך והירח לדם לפני בוא יום יהוה הגדול והנורא:
Segment 5
והיה כל אשר יקרא בשם יהוה ימלט כי בהר ציון ובירושלם תהיה פליטה כאשר אמר יהוה ובשרידים אשר יהוה קרא: